லங்காசிறி FM
ஐ. நா பாதுகாப்பு சபையில் ஹோர்முஸ் நீரிணை தீர்மானம் தோல்வி!
மத்திய கிழக்கில் நிலவும் போர் பதற்றத்தைத் தணிக்கவும், ஹோர்முஸ் நீரிணையின் பாதுகாப்பை உறுதி செய்யவும் ஐ.நா பாதுகாப்பு சபையில் கொண்டு வரப்பட்ட முக்கிய தீர்மானம் தோல்வியில் முடிவடைந்தது.
இந்தத் தீர்மானத்திற்கு ஆதரவாக 11 நாடுகள் வாக்களித்த போதிலும், பாதுகாப்பு சபையின் நிரந்தர உறுப்பினர்களான சீனா மற்றும் ரஷ்யா ஆகிய இரு நாடுகளும் தங்களுக்குள்ள ‘வீட்டோ’ (Veto) எனப்படும் சிறப்பு அதிகாரத்தைப் பயன்படுத்தி தீர்மானத்திற்கு எதிராக வாக்களித்தன.
இதன் காரணமாக, பெரும்பான்மை ஆதரவு இருந்தும் இந்தத் தீர்மானம் நிறைவேற்றப்படாமல் உள்ளதாக தெரிவிக்கப்பட்டுள்ளது. இந்த வாக்கெடுப்பில் 11 நாடுகள் ஆதரவாகவும், 2 நாடுகள் (சீனா, ரஷ்யா) எதிராகவும் வாக்களித்தன. மற்ற 2 நாடுகள் வாக்கெடுப்பில் கலந்துகொள்ளாமல் நடுநிலை வகித்தன.
எதிர்ப்பு தெரிவிக்கும் சீனா
ஹோர்முஸ் நீரிணை வழியாக சர்வதேசக் கப்பல் போக்குவரத்து தடையின்றி நடைபெறுவதை உறுதி செய்யவும், அப்பகுதியில் நிலவும் இராணுவ அச்சுறுத்தல்களைக் கட்டுப்படுத்தவும் இந்தத் தீர்மானம் வழிவகை செய்திருந்தது.
இருப்பினும், அமெரிக்கா உள்ளிட்ட மேற்கத்திய நாடுகளின் தலையீட்டைத் தவிர்க்கும் நோக்கில் சீனா மற்றும் ரஷ்யா இந்தத் தடையை ஏற்படுத்தியுள்ளன.
இந்த வீட்டோ அதிகாரம் பயன்படுத்தப்பட்டது, மத்திய கிழக்கு விவகாரத்தில் சர்வதேச நாடுகளிடையே நிலவும் பெரும் பிளவை மீண்டும் ஒருமுறை உறுதிப்படுத்தியுள்ளது.
அமெரிக்காவுடன் பேச்சுவார்த்தைக்கான அனைத்து வழிகளையும் மூடியதாக அறிவித்த ஈரான்- பதற்றத்தில் உலகம் News Lankasri
வீட்டைவிட்டு வெளியேறுவது குறித்து நிலா சொன்ன பதில், சேரன், சோழன் செய்தது என்ன?... அய்யனார் துணை சீரியல் Cineulagam
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
