நுண்நிதி கடன்களை தமிழர் தாயகத்தில் நிறுத்தவும் - காணாமல்போனோரின் உறவுகள் கோரிக்கை

நுண்நிதி கடன் வழங்கும் செயற்பாடுகளைத் தமிழர் தாயகத்தில் நிறுத்துமாறு வவுனியாவில் கடந்த 1615வது நாட்களாகப் போராட்டம் மேற்கொள்ளும் காணாமல் போனோரின் உறவுகள் தெரிவித்துள்ளனர்.

குறித்த விடயம் தொடர்பாக வவுனியாவில் இன்று கருத்து தெரிவித்த அவர்கள்,

தமிழர் தாயகத்தில் நுண்நிதி கடனை எவ்வாறு நிறுத்துவது என்பது பற்றி விவாதிக்க இங்கு கூடியுள்ளோம். நுண்நிதி கடனென்ற பெயரில் தமிழர்களை வலுக்கட்டாயமாக அச்சுறுத்துவதனை உடன் நிறுத்த வேண்டும்.

இந்த நுண்நிதி கடன் எமது மக்களை துன்பப்படுத்துகிறது. இந்த செலுத்தப்படாத கடனின் காரணமாக, குடும்பப் பிரிவினை மற்றும் குழந்தைகளின் கல்வி ஆகியவை பாதிக்கப்படுகின்றன. இந்த தேவையற்ற கடன் வடகிழக்கில் உள்ள தமிழர்களுக்குக் கூடுதல் மன அழுத்தத்தை அளிக்கிறது.

மாரடைப்பு, இரத்த அழுத்தம், நீரிழிவு நோயாளிகள் மற்றும் பிற நோய்களுக்குப் பங்களிப்பு செய்கிறது. இந்த கடன் இல்லாமல் தமிழர்கள் நீண்ட காலமாக வாழ்ந்துவந்தனர். தமிழர்களை ஒடுக்குவதற்காகவே இந்த கடனை அறிமுகப்படுத்தப்பட்டுள்ளது என நாம் கூறுகிறோம்.

நுண்நிதி கடன் சுமையால் பெரும்பாலான மக்கள், கொலைகள் மற்றும் தற்கொலைகளால் வாழ்க்கையை முடிவுக்குக் கொண்டு செல்கிறார்கள்.

வங்கியிலிருந்து கூட கடன் பெறத் தகுதியற்றவர்களுக்கு இந்த நுண்நிதிக்கடன் ஏன் வழங்கப்படுகிறது? வங்கியில் கடன் வழங்குவதற்கான நேரடி வழிகளுண்டு. அவர்களின் வருமானம் மற்றும் செலவுகளின் அடிப்படையில் வங்கிக்கடன்கள் வழங்கப்படுகின்றன.

எனவே நுண்நிதி கடன்களை அதிகாரிகள் நிறுத்த வேண்டும் என்று நாங்கள் விரும்புகிறோம். இந்த பகல் கொள்ளையைத் தடுக்க தமிழ் மக்களுக்கு அரசியல் தீர்வு தேவையானது. கொழும்பு அரசாங்கம் மாகாணசபை தேர்தலை நடத்தவேண்டும், பின்னர் மாகாணசபையானது நுண்நிதி கடனை நிறுத்த ஒரு சட்டத்தை நிறைவேற்ற முடியும்.

நுண்நிதியில் பணிபுரியும் முகவர்கள் கடன்களை வழங்குவதை நிறுத்தி, தமிழர்களுக்கு அவர்கள் கொடுத்த கடனை மீட்டெடுப்பதை நிறுத்துமாறு கேட்டுக்கொள்கிறோம்.

இதேவேளை பாதிக்கப்பட்ட தமிழர்களிற்கு அன்றாடம் உயிர்வாழும் வகையில் அவர்களுக்கு நிதி உதவி செய்யுமாறு அமெரிக்காவிடம் கோரவிரும்புகிறோம். பாதிக்கப்பட்ட தமிழர்களுக்கு ஒரு சிறு வணிகத்தை உருவாக்க உதவுவதற்கு அமெரிக்கா ஒரு சிறிய தொகை பணத்தைக் கொடுக்க வேண்டும் எனத் தெரிவித்துள்ளனர்.