எரிபொருள் வரிகளால் பெரும் அழுத்தத்தில் இலங்கை! விடுக்கப்பட்டுள்ள அவசர கோரிக்கை

Fuel Price In Sri Lanka Sri Lanka Sri Lanka Fuel Crisis Value Added Tax (VAT)

By Dhayani Mar 16, 2026 06:29 AM GMT

Dhayani

in சமூகம்

Report

எரிபொருள் மீதான வரிகளைக் குறைத்து, எரிபொருள் விலையை இயலுமானவரை நிலையான மட்டத்தில் பேண வேண்டும் என இலங்கை பெற்றோலிய கூட்டுத்தாபனத்தின் முன்னாள் தலைவர் மொஹமட் உவைஸ் தெரிவித்துள்ளார்.

எரிபொருள் நெருக்கடி குறித்து ஊடக சந்திப்பு ஒன்றில் கலந்து கொண்டு கருத்து வெளியிட்ட அவர், தற்போதைய சர்வதேச சூழல் இலங்கைக்கு ஏற்படுத்தக்கூடிய பாதிப்புகள் குறித்து எச்சரித்துள்ளார்.

ஹார்முஸ் ஜலசந்தி மூடல்

ஹார்முஸ் ஜலசந்தி மூடப்பட்டுள்ளதாகவும், ஈரான் ஏமன் மற்றும் ஆப்பிரிக்க கண்டத்திற்கு இடையே மற்றொரு ஜலசந்தியை மூட நடவடிக்கை எடுத்தால், அது இலங்கை உட்பட பல நாடுகளில் பெரும் தாக்கத்தை ஏற்படுத்தக்கூடும் என்றும் கூறியுள்ளார்.

எரிபொருள் வரிகளால் பெரும் அழுத்தத்தில் இலங்கை! விடுக்கப்பட்டுள்ள அவசர கோரிக்கை | Srilanka Fuel Price In Increase

இலங்கை 100% பெட்ரோலியத்தை இறக்குமதி செய்யும் நாடு. ஏற்கனவே அனைத்து பெட்ரோலியப் பொருட்களின் விலையையும் ரூ. 25 உயர்த்தியுள்ளோம்.

உலக சந்தையில் பெட்ரோலியப் பொருட்களின் விலை மேலும் அதிகரிக்க உள்ளது. ஒரு நாடாக விநியோகத்தை முறையாக நிர்வகிப்பதும், சப்ளையர்களுடன் சரியான முறையில் பணியாற்றுவது தொடர்பில் கவனம் செலுத்த வேண்டும்.

இந்த அழுத்தத்தை நமது தொழிலதிபர்கள் மற்றும் நுகர்வோர் தாங்குவது கடினம். இந்த நேரத்தில் அரசாங்கம் தலையிட்டு வரிகளைக் குறைக்க வேண்டும் என்றும் கோரியுள்ளார்.