இலங்கையின் வர்த்தகப் பற்றாக்குறை முன் எப்போதும் இல்லாத வகையில் உயர்வு!

இறக்குமதி செலவினங்களின் அதிகரிப்பு ஏற்றுமதி வருவாயை விட அதிகமாக இருந்ததால், ஆகஸ்ட் 2021 இல் இலங்கையின் வர்த்தகப் பற்றாக்குறை அதிகரித்துள்ளதாக தெரிவிக்கப்பட்டுள்ளது.

இதன்படி, இந்த ஆண்டின் முதல் எட்டு மாதங்களில், நாட்டில் பணப் பற்றாக்குறை, தொடர்ச்சியாக அதிகரித்ததன் காரணமாக வர்த்தக பற்றாக்குறை 44.52 சதவீதம் அதிகரித்துள்ளது.

அந்த வகையில், ஆகஸ்ட் 2020 இல் பதிவு செய்யப்பட்ட 342 மில்லியன் அமெரிக்க டொலர் பற்றாக்குறையுடன் ஒப்பிடுகையில், வர்த்தக கணக்கில் உள்ள பற்றாக்குறை ஆகஸ்ட் 2021 இல் 586 மில்லியன் அமெரிக்க டொலராக அதிகரித்துள்ளது.

இலங்கை மத்திய வங்கி வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

2021 ஜனவரி முதல் ஆகஸ்ட் வரையிலான வர்த்தகக் கணக்கில் ஒட்டுமொத்தப் பற்றாக்குறையும் 2020 ஆம் ஆண்டின் இதே காலகட்டத்தில் 3.812 பில்லியன் அமெரிக்க டொலரிலிருந்து 5.509 பில்லியன் அமெரிக்க டொலராக அதிகரித்துள்ளது.

வர்த்தகப் பற்றாக்குறையின் அதிகரிப்பு, இறக்குமதி 30.7 சதவிகிதம் அதிகரித்து 13,411 மில்லியன் டொலர்களாகவும், ஏற்றுமதி 22.6 சதவிகிதம் குறைந்து 7,903 மில்லியன் டொலர்களாகவும் இருந்தது.

இந்த ஆண்டின் முதல் எட்டு மாதங்களில் எரிபொருள் இறக்குமதி 41.7 சதவிகிதம் அதிகரித்து 2,395.9 மில்லியன் அமெரிக்க டொலர்களால் இறக்குமதி வளர்ச்சி அதிகரித்தது. எரிபொருள் என்பது இலங்கையின் மிகப்பெரிய இறக்குமதியாகும்.

ஒட்டுமொத்தமாக, 2021 ஆம் ஆண்டின் முதல் எட்டு மாதங்களில் இறக்குமதி செலவு 30.7 சதவிகிதம் அதிகரித்து 13.411 பில்லியன் அமெரிக்க டொலராக இருந்தது, இது 2020 ஆம் ஆண்டின் இதே காலகட்டத்தில் 10.257 பில்லியன் டொலராக இருந்துள்ளது.

எரிபொருள் இறக்குமதியில் கச்சா எண்ணெய், சுத்திகரிக்கப்பட்ட பெட்ரோலிய பொருட்கள் மற்றும் நிலக்கரி ஆகியவை அடங்கும்.

இதனிடையே, மறுஆய்வு காலத்தில் பொருட்கள் ஏற்றுமதியில் ஆடை மற்றும் ஜவுளி ஏற்றுமதி 23.5 சதவிகிதம் அதிகரித்து 3,122.6 மில்லியன் அமெரிக்க டொலர்களாக உயர்ந்துள்ளது.

ஆகஸ்ட் 2021 இல் ஏற்றுமதியின் வருவாய்16.2 சதவிகிதம் அதிகரித்து 1.100 பில்லியன் அமெரிக்க டொலர்களை எட்டியது, இது ஆகஸ்ட் மாதத்தில் பதிவு செய்யப்பட்ட மிக உயர்ந்த பெறுமதியாகும்.

தொழில்துறை பொருட்களின் ஏற்றுமதியின் வருவாய் ஆகஸ்ட் 2021 இல் 17.5 சதவிகிதம் அதிகரித்து 856.8 மில்லியன் அமெரிக்க டொலராக இருந்தது, இது ஆகஸ்ட் 2020 இல் 729.0 மில்லியன் அமெரிக்க டொலராக இருந்தது.

ஆகஸ்ட் 2021 இல் விவசாய பொருட்களின் ஏற்றுமதியிலிருந்து மொத்த வருவாய் 10.9 சதவீதம் அதிகரித்து 239.4 மில்லியன் அமெரிக்க டொலராக இருந்தது,

முக்கியமாக தேயிலை, தேங்காய், சிறு விவசாய பொருட்கள், கடல் உணவு மற்றும் ரப்பர் ஆகியவற்றிலிருந்து ஏற்றுமதி வருவாய் அதிகரிப்பு காரணமாக ஆகஸ்ட் 2020 உடன் ஒப்பிடும்போது இந்த அதிகரிப்பு ஏற்பட்டுள்ளதாக தெரிவிக்கப்பட்டுள்ளது.

2021 ஜனவரி-ஆகஸ்ட் மாதங்களில் ஒட்டுமொத்த ஏற்றுமதி வருவாய் 22.6 சதவிகிதம் அதிகரித்துள்ளது, இது அமெரிக்க டொலர் 7.903 பில்லியன் ஆகும், இது 2020 ஆம் ஆண்டின் இதே காலப்பகுதியில் 6.445 பில்லியன் டொலராக இருந்துள்ளது.