லங்காசிறி FM
இலங்கையின் வரி அமைப்பில் சிக்கல்கள்..! மறைமுக வரி தொடர்பில் அரசாங்கத்தின் நிலைப்பாடு
இலங்கை தனது நாட்டின் தற்போதைய நிதி நிலைத்தன்மை மற்றும் வருவாய் திரட்டலைப் பாதிக்காத வகையில், தற்போதைக்கு மறைமுக வரிகளை உடனடியாகக் குறைக்காது என்று நிதி மற்றும் திட்டமிடல் பிரதி அமைச்சர் கலாநிதி அனில் ஜயந்த பெர்னாண்டோ தெரிவித்துள்ளார்.
சுமையாக உள்ள வரி அமைப்பை "மறுசீரமைப்பதற்கு" முன்பு, நாடு முதலில் வலுவான வருவாய் திரட்டலை உறுதி செய்ய வேண்டும் என்றும் அவர் குறிப்பிட்டுள்ளார்.
வரி சலுகைகளின் சாத்தியம்
இந்நிலையில், நிதி ஒருங்கிணைப்பில் அரசாங்கம் உறுதியாக உள்ளது என்றும், அரசாங்க வருவாய் பொருளாதாரத்தில் மேலும் நிலையான பங்கை எட்டும்போது, 18% மதிப்புக்கூட்டு வரியைக் (VAT) குறைப்பது உள்ளிட்ட வரிச்சலுகைகள் சாத்தியமாகும் என்று தெரிவித்துள்ளார்.
"பொருளாதாரப் படுகுழி" என்ற நிலையிலிருந்து இலங்கையை மீட்டெடுக்கும் முயற்சியின் ஒரு பகுதியாக, 2030-ஆம் ஆண்டுக்குள் அரசாங்க வருவாயை மொத்த உள்நாட்டு உற்பத்தியில் 15.4% ஆக உயர்த்துவதே திட்டம் என்று பிரதி அமைச்சர் கூறியுள்ளார்.
இருப்பினும், 2025-ஆம் ஆண்டின் இறுதிக்குள் நாடு ஏற்கனவே அந்த அளவுகோலைத் தாண்டி, மொத்த உள்நாட்டு உற்பத்தியில் 16.7%-ஐ எட்டியுள்ளது என்றும் சுட்டிக்காட்டியுள்ளார்.
2030 ஆம் ஆண்டுக்குள் மொத்த உள்நாட்டு உற்பத்தியில் சுமார் 18% என்ற அளவில் வருவாயை படிப்படியாக உயர்த்த அரசாங்கம் எதிர்பார்ப்பதாகவும் தெரிவித்துள்ளார்.
வரி கட்டமைப்பின் மறுபரிசீலனை
அதே நேரத்தில் தற்போதைய வரி கட்டமைப்பை அரசு மறுபரிசீலனை செய்ய அனுமதிக்கும் என்றும் குறிப்பிட்டுள்ளார்.
தற்போதைய வரிச்சுமை, குறிப்பாக 18% மதிப்புக்கூட்டு வரி (VAT), அத்துடன் நிறுவன வருமான வரி, தனிநபர் வருமான வரி மற்றும் டொலர் வருமானத்தின் மீதான வரிகள் போன்ற தற்போதைய வரி அமைப்பில் சில சிக்கல்கள் உள்ளமையை புரிந்து கொண்டுள்ளதாகவும் அவர் கூறியுள்ளார்.
இருப்பினும், வருவாய் திரட்டலை கருத்திற்கொண்டு மறைமுக வரிவிதிப்பை அரசாங்கத்தால் குறைக்க முடியாது என்பதை அவர் தெளிவுபடுத்தியுள்ளார்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026