லங்காசிறி FM
தெற்கு கடற்பரப்பில் சிக்கிய வெளிநாட்டு கடத்தல்காரர்களின் சகாக்கள்
தெற்கு கடற்பரப்பில் போதைப்பொருள் அடங்கிய பல பொதிகளைக் கடத்திச் சென்றதாகச் சந்தேகிக்கப்படும் உள்நாட்டு பலநாள் கடற்றொழில் படகொன்று கைப்பற்றப்பட்டுள்ளதுடன், சந்தேகநபர்கள் பலரும் கைது செய்யப்பட்டுள்ளனர்.
கடற்படையினர் மேற்கொண்ட விசேட சுற்றிவளைப்பு நடவடிக்கையின் போது, இந்த கைதுகள் இடம்பெற்றுள்ளன.
இதன்போது, கைப்பற்றப்பட்ட படகு மற்றும் சந்தேகநபர்கள் மேலதிக விசாரணைகளுக்காகவும் சட்ட நடவடிக்கைகளுக்காகவும் கரைக்குக் கொண்டு வரப்பட்டு வருவதாகக் கடற்படை தெரிவித்துள்ளது.
சிவப்பு பிடியாணை
இதேவேளை, இந்தப் போதைப்பொருள் கடத்தலின் பின்னணியில், பரேவி சுதா என அழைக்கப்படும் பல்லேவத்த கமகே சமிந்த தில்ருக் மற்றும் திப்பிட்டிகொட லஹிரு என அழைக்கப்படும் பொத்துபிட்டிய கங்கானம்கே பிரஷித் தினுக ஆகிய இரு பிரதான போதைப்பொருள் கடத்தல்காரர்கள் இருப்பதாகப் புலனாய்வுத் தகவல்கள் தெரிவிக்கின்றன.
ஜப்பானில் தலைமறைவாகியுள்ள 31 வயதான திப்பிட்டிகொட லஹிரு மீது சர்வதேச பொலிஸாரினால் சிவப்பு எச்சரிக்கை விடுக்கப்பட்டுள்ள நிலையில், அவர் அங்கிருந்தவாறு உள்நாட்டுப் போதைப்பொருள் வலையமைப்பை இயக்கி வருவதாகக் கூறப்படுகிறது.
அத்துடன், துபாயில் தங்கியிருக்கும் பரேவி சுதா, சில ஊழல் அதிகாரிகளின் உதவியுடன் தனது கடத்தல் நடவடிக்கைகளைத் தொடர்ந்தும் முன்னெடுத்து வருவதாகக் குற்றம் சுமத்தப்பட்டுள்ளது.
இந்நிலையில், இச்சம்பவம் தொடர்பான மேலதிக விபரங்கள் ஆரம்பகட்ட விசாரணைகளின் பின்னர் வெளியிடப்படும் எனக் கடற்படை குறிப்பிட்டுள்ளது.
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
