தேசிய மக்கள் சக்தி தரப்புக்கும் மன்னார் பிரஜைகள் குழுவுக்கும் இடையே விசேட சந்திப்பு

தேசிய மக்கள் சக்தி (JVP)கட்சிக்கும் மன்னார் பிரஜைகள் குழுவுக்கும் இடையே விசேட சந்திப்பு ஒன்று இடம்பெற்றுள்ளது.

தேசிய மக்கள் சக்தி கட்சியின் யாழ் மாவட்ட அமைப்பாளர் இராமலிங்கம் சந்திரசேகரன் தலைமையிலான குழுவினருக்கும், மன்னார் பிரஜைகள் குழுவின் தலைவர் மாக்கஸ் அடிகளாருக்கும் இடையில் குறித்த சந்திப்பு இன்று (21) இடம்பெற்றுள்ளது.

எதிர்வரும் ஜனாதிபதித் தேர்தல் தொடர்பில் கட்சியின் நிலைப்பாடு மற்றும் மன்னார் மாவட்ட மக்கள் எதிர்நோக்கும் பிரச்சினைகள் குறித்து இதன்போது ஆராயப்பட்டது.

பாடசாலைகளுக்கு விடுமுறை! மறுக்கும் கல்வி அமைச்சு

மக்கள் சந்திப்பு

எதிர்வரும், ஜனாதிபதி தேர்தலில் ஜே.வி.பி கட்சி சார்பில் போட்டியிடும் அனுரகுமார திசாநாயக்க வடக்கில் குறிப்பாக மன்னார் மாவட்டத்தில் ஆதரவற்ற தன்மை காணப்படுவது குறித்தும், இந்த பகுதியில் ஆதரவை பெறுவது தொடர்பாக கருத்துக்களை முன்வைத்துள்ளதாக இராமலிங்கம் சந்திரசேகரன் விளக்கமளித்துள்ளார்.

எதிர்வரும் 25ஆம் திகதி சனிக்கிழமை மாலை அனுரகுமார திசாநாயக்க மன்னருக்கு வருகை தந்து மக்கள் சந்திப்பை நடத்தவுள்ளதாக தெரிவித்துள்ளார்.

இதன் போது மன்னார் மாவட்டம் தொடர்பில் தாம் கொண்டுள்ள நிலைப்பாடு மற்றும் ஜனாதிபதி தேர்தல் குறித்தும் மக்களுக்கு கருத்தை தெரிவிப்பார் என சந்திரசேகரன் கூறியுள்ளார்.

10 பிரதான பிரச்சினைகள்

இந்த நிலையில் குறித்த விடயங்கள் தொடர்பில் கலந்துரையாடிய மன்னார் பிரஜைகள் குழுவின் தலைவர் தற்போது மன்னார் மாவட்டத்தில் காணப்படும் 10 பிரதான பிரச்சினைகள் தொடர்பில் தெளிவான தமது கருத்தை முன்வைத்துள்ளர்.

இந்த விடயங்கள் தொடர்பில் ஜேவிபி கரிசனையுடன் செயல்பட வேண்டும் என்று கேட்டுக்கொண்டுள்ளார்.

குறிப்பாக காற்றாலை மின்சாரம், கனிய மணல் அகழ்வு, காணிகள் அபகரிப்பு, இயற்கை வளங்கள் அழிக்கப்படுகின்றமை,மன்னார் மாவட்ட இளைஞர்கள் பட்டதாரி இளைஞர்கள் கைவிடப்பட்ட நிலையில் வேலையற்று காணப்படுவது, மன்னார் மாவட்ட பாடசாலைகளின் வளங்கள் பற்றாக்குறை, இந்திய இழுவைப் படகுகளின் அத்துமீறல், மன்னாரில் உள்ள ஒட்டு மொத்த வளங்களும் திட்டமிட்ட வகையில் அளிக்கப்படுகின்றமை, முறை கேடாக அரசியலில் பின்புலத்தில் அமைக்கப்பட்டுள்ள அட்டைப் பண்ணை, இறால் பண்ணைகள் மீன் பண்ணைகள் மற்றும் மன்னார் நகரப் பகுதியில் அகற்றப்படாத திண்மக் கழிவுகள் குறித்தும் மாக்கஸ் அடிகளாரினால் முன்வைக்கப்பட்டுள்ளது.

மேலதிக தகவல் - அ. ராயூகரன்

நண்பனுடன் சேர்ந்த இளம் மனைவியை கொடூரமாக கொலை செய்த கணவன்

நாட்டில் நிலவும் மோசமான காலநிலை: கடற்றொழிலாளர்களுக்கு விடுக்கப்பட்டுள்ள எச்சரிக்கை