அதிகாரத்தை மீறிய ஜனாதிபதி: நீதிமன்றத்தை நாடியுள்ள சரத் பொன்சேகா

Ranil Wickremesinghe Sarath Fonseka Supreme Court of Sri Lanka

By Steephen Oct 01, 2022 04:48 AM GMT

Steephen

in அரசியல்

Report

கொழும்பு நகரின் சில இடங்களை அதி உயர பாதுகாப்பு வலயங்களாக அறிவித்து ஜனாதிபதி வெளியிட்டுள்ள வர்த்தமானி அறிவித்தலை செல்லுப்படியற்றது என உத்தரவிடுமாறு கோரி, பீல்ட் மார்ஷல் சரத் பொன்சேகா மற்றும் சட்டத்தரணி சுதத் விக்ரமரத்ன ஆகியோர் உயர் நீதிமன்றத்தில் அடிப்படை உரிமை மனுவை தாக்கல் செய்துள்ளனர்.

அரச இரகசிய சட்டமூலத்தின் கீழ் வர்த்தமானியை வெளியிட ஜனாதிபதி அதிகாரமில்லை

ரணில் விக்ரமசிங்க-Ranil Wickremesinghe

சட்டமா அதிபர், பாதுகாப்பு அமைச்சின் செயலாளர் கமல் குணரத்ன, பொலிஸ் மா அதிபர், இலங்கை சட்டத்தரணிகள் சங்கத்தின் தலைவர் சாலிய பீரிஸ் ஆகியோர் மனுவில் பிரதிவாதிகளாக குறிப்பிடப்பட்டுள்ளனர்.

அரச இரகசிய சட்டமூலத்தின் கீழ் இந்த வர்த்தமானி அறிவித்தல் வெளியிடப்பட்டுள்ளதாக சுட்டிக்காட்டியுள்ள மனுதாரர்கள், அந்த சட்டமூலத்தின் கீழ் இவ்வாறான உத்தரவை வெளியிட ஜனாதிபதிக்கு அதிகாரமில்லை எனவும் கூறியுள்ளனர்.

ஜனாதிபதியின் வர்த்தமானியால் அடிப்படை உரிமைகள் மீறப்பட்டுள்ளது

அதிகாரத்தை மீறிய ஜனாதிபதி: நீதிமன்றத்தை நாடியுள்ள சரத் பொன்சேகா | Sarath Fonseka Has Approached The Court

இதனடிப்படையில், தமக்கு வழங்கப்பட்டுள்ள அதிகாரத்தை மீறி ஜனாதிபதி இந்த வர்த்தமானி அறிவித்தலை வெளியிட்டுள்ளதால், அதன் மூலம் தமது அடிப்படை உரிமைகள் மீறப்பட்டுள்ளதாக தீர்ப்பை வழங்குமாறு மனுதாரர்கள் உயர் நீதிமன்றத்திடம் கோரிக்கை விடுத்துள்ளனர்.

அத்துடன் வர்த்தமானி அறிவித்தல் செல்லுப்படியற்றது என்ற உத்தரவை பிறப்பிக்குமாறும், இந்த மனுவை விசாரித்து தீர்ப்பை வழங்கும் அவரை வர்த்தமானி அறிவித்தல் நடைமுறைப்படுத்தப்படுவதற்கு இடைக்கால தடையை விதிக்குமாறும் மனுதாரர்கள் கேட்டுக்கொண்டுள்ளனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை