லங்காசிறி FM
தேர்தல் சட்டங்களை மறுஆய்வு செய்வதற்கான நிபுணர் குழுவின் அறிக்கை கையளிப்பு
தேர்தல் சட்டங்களை மறுஆய்வு செய்வது தொடர்பாகப் பொதுமக்களிடமிருந்து பெறப்பட்ட கருத்துகள் மற்றும் முன்மொழிவுகளை உள்ளடக்கிய நிபுணர் குழுவின் அறிக்கை, நாடாளுமன்றத் தெரிவுக்குழுவிடம் நேற்று(14.10.2026) உத்தியோகபூர்வமாகக் கையளிக்கப்பட்டுள்ளது.
மாகாண சபைத் தேர்தல்களை நிர்வகிக்கும் சட்டங்கள் தவிர்ந்த ஏனைய தேர்தல் தொடர்பான சட்டங்களை ஆராய்வதற்காக நியமிக்கப்பட்டுள்ள நாடாளுமன்றத் தெரிவுக்குழுவிடமே இந்த அறிக்கை சமர்ப்பிக்கப்பட்டுள்ளது.
பொது நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபேரத்ன தலைமையிலான நாடாளுமன்றத் தெரிவுக்குழுவின் தலைவரிடம், பொதுமக்களின் கருத்துகள் மற்றும் முன்மொழிவுகளை ஆராய்வதற்காக நியமிக்கப்பட்ட நிபுணர் குழுவினர் அறிக்கையைக் கையளித்தனர்.
நாடாளுமன்றத் தெரிவுக்குழு
பொதுமக்கள், நிறுவனங்கள் மற்றும் அமைப்புகளிடமிருந்து கிடைக்கப்பெற்ற 31 முன்மொழிவுகளை ஆழமாக ஆராய்வதுடன், தேர்தல் தொடர்பான விடயங்களை ஆராய்வதற்காக முன்னர் நியமிக்கப்பட்ட நாடாளுமன்றத் தெரிவுக்குழுக்களின் அறிக்கைகளையும் பரிசீலிப்பதே நிபுணர் குழுவின் முக்கிய பணியாக இருந்தது.
இந்தச் செயற்பாடு தொடர்பாகக் கருத்துத் தெரிவித்த அமைச்சர் சந்தன அபேரத்ன, பல்வேறு நிறுவனங்கள் மற்றும் அமைப்புகளால் முன்வைக்கப்பட்ட விடயங்கள், கருப்பொருள்கள் தொடர்பாகத் தனித்தனியான அறிக்கைகள் தயாரிக்கப்பட்டு சமர்ப்பிக்கப்பட்டுள்ளதாகத் தெரிவித்தார்.
அத்துடன், பதிவுசெய்யப்பட்ட பல அரசியல் கட்சிகளும் தமது கருத்துகள் மற்றும் முன்மொழிவுகளைச் சமர்ப்பித்துள்ளதாக அவர் குறிப்பிட்டார்.
இடைக்கால அறிக்கை
பொதுமக்கள், நிறுவனங்கள், அமைப்புகள் மற்றும் அரசியல் கட்சிகளிடமிருந்து கிடைத்த அனைத்து முன்மொழிவுகளையும் ஆராய்ந்து, இரண்டு மாதங்களுக்குள் இடைக்கால அறிக்கையொன்றை நாடாளுமன்றத்தில் சமர்ப்பிக்கத் தெரிவுக்குழு திட்டமிட்டுள்ளதாகவும் அமைச்சர் தெரிவித்தார்.
இடைக்கால அறிக்கை சமர்ப்பிக்கப்பட்ட பின்னரும், தேர்தல் சட்டங்களில் திருத்தங்களை மேற்கொள்வது தொடர்பான புதிய முன்மொழிவுகளையும் திருத்தங்களையும் சமர்ப்பிப்பதற்கு பொதுமக்களுக்கு மேலும் ஒரு சந்தர்ப்பம் வழங்கப்படும் என்றும் அவர் கூறினார்.
இதேவேளை, தேர்தல் தொடர்பான சட்டங்களை மறுஆய்வு செய்வது குறித்த தமது கருத்துகள் மற்றும் முன்மொழிவுகளைச் சமர்ப்பிப்பதற்காகப் பதிவுசெய்யப்பட்ட அரசியல் கட்சிகளுக்கு வழங்கப்பட்ட கால அவகாசத்தை மேலும் இரண்டு வாரங்களுக்கு நீடிப்பதற்கும் குழு தீர்மானித்துள்ளது.
முன்பதிவிலேயே விஜய்யின் ஜனநாயகன் பட கலெக்ஷனை தோற்கடித்த ரஜினியின் ஜெயிலர் 2... மாஸ் கலெக்ஷன்.. Cineulagam
மனைவியுடன் சண்டையை தவிர்க்க 21 வது மாடியின் பால்கனியில் இருந்து இறங்கிய கணவன்: காத்திருந்த சோகம் News Lankasri
உதடு, நெற்றி, காலில் கடுமையான காயம் - மொஜ்தபா கமேனி குறித்து ஈரான் அதிகாரப்பூர்வ ஒப்புதல் News Lankasri
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
