லங்காசிறி FM
தீவிர புயலாக வலுவடைந்துள்ள அர்னாப் சூறாவளி! அடுத்த 12 மணிநேரத்திற்கு விடுக்கப்பட்டுள்ள சிவப்பு அறிவிப்பு
வங்காள விரிகுடா மற்றும் நாட்டைச் சூழவுள்ள ஆழ்கடல் மற்றும் ஆழமற்ற கடற்பகுதிகளுக்கு வளிமண்டலவியல் திணைக்களம் சிவப்பு எச்சரிக்கை விடுத்துள்ளது.
நாட்டை சூழவுள்ள ஆழமான மற்றும் ஆழம் குறைந்த கடற்பகுதிகளில் கடல் கொந்தளிப்புடன் காணப்படக்கூடும் என்பதால், கடற்படையினர் மற்றும் கடற்றொழிலாளர்கள் அவதானமாக செயற்படுமாறு அறிவுறுத்தப்பட்டுள்ளனர்.
அடுத்த 12 மணி நேரத்திற்கு செல்லுபடியாகும் எச்சரிக்கை
இன்று (27) காலை விடுக்கப்பட்ட இந்த எச்சரிக்கை, அடுத்த 12 மணி நேரத்திற்கு செல்லுபடியாகும் என வளிமண்டலவியல் திணைக்களம் தெரிவித்துள்ளது.
வங்காள விரிகுடாவின் மேற்கு-மத்திய பகுதியில் நிலைகொண்டிருந்த 'அர்னாப்' (Arnab) சூறாவளி மிக தீவிர புயலாக வலுவடைந்துள்ளது.
"எச்சரிக்கை" பிரிவில் உள்ள கடல் பகுதிகளில் காற்றின் வேகம் சில நேரங்களில் மணிக்கு 80-140 கி.மீ. வரை அதிகரிக்கக்கூடும், மேலும் இடியுடன் கூடிய கனமழை பெய்யலாம்.
முன்னறிவிப்புகள் மற்றும் எச்சரிக்கை அறிக்கைகளை கவனிக்குமாறும் அறிவுறுத்தல்
மேலும், இந்த கடல் பகுதிகளில் கடல் அலைகள் சுமார் (3.0 - 4.0) மீட்டர் வரை உயர வாய்ப்புள்ளது, மேலும் இந்தக் கடல் பகுதிகள் மிகவும் கொந்தளிப்பாக இருக்கக்கூடும்.
எனவே, கடற்பகுதிகளில் மீன்பிடி மற்றும் கடல்சார் நடவடிக்கைகளில் ஈடுபடுவோர் அவதானமாக இருக்குமாறும், இது தொடர்பில் வளிமண்டலவியல் திணைக்களத்தினால் வெளியிடப்படும் எதிர்கால வானிலை முன்னறிவிப்புகள் மற்றும் எச்சரிக்கை அறிக்கைகளைத் தொடர்ந்து கவனிக்குமாறும் அறிவுறுத்தப்பட்டுள்ளனர்.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021