மக்களுக்கான சேவைகள் ஸ்தம்பிதம்! தேர்தலை உடனடியாக நடத்துமாறு இராதாகிருஷ்ணன் எம்.பி. அழுத்தம்
மாகாணசபைத் தேர்தலை நடத்துவதற்கு அரசு உடனடியாக நடவடிக்கை எடுக்க வேண்டும் என்று தமிழ் முற்போக்குக் கூட்டணி வலியுறுத்தியுள்ளது.
நாடாளுமன்றத்தில் நேற்று (19.11.2026) உரையாற்றிய அக்கூட்டணியின் பிரதித் தலைவரும், நாடாளுமன்ற உறுப்பினருமான வீ. இராதாகிருஷ்ணன் இந்தக் கோரிக்கையை முன்வைத்தார்.
இதன்போது அவர் மேலும் தெரிவிக்கையில், 1987ஆம் ஆண்டு கைச்சாத்திடப்பட்ட இலங்கை - இந்திய ஒப்பந்தத்தின் அடிப்படையிலேயே மாகாணசபை முறைமை உருவாக்கப்பட்டது.

தமிழ் மக்களின் பிரச்சினை
தமிழ் மக்களின் பிரச்சினைகளுக்குத் தீர்வு காண்பதற்கான ஆரம்பகட்ட நடவடிக்கையாக இது அமைந்தது. எனவே, ஏனைய ஒப்பந்தங்களை நடைமுறைப்படுத்துவதற்கு நடவடிக்கை எடுக்கும் அரசு, இலங்கை - இந்திய ஒப்பந்தத்தின் பிரகாரம் மாகாண சபைத் தேர்தலையும் நடத்த வேண்டும்.
இது இரண்டு ஜனநாயக நாடுகளுக்கு இடையில் கைச்சாத்திடப்பட்ட ஒப்பந்தமாகும். எனவே, அந்த ஒப்பந்தம் நடைமுறைப்படுத்தப்பட வேண்டும். மாகாண சபைகள் தற்போது இயங்காததன் காரணமாக அவற்றின் நிர்வாக மற்றும் மக்கள் சேவைகள் சார்ந்த செயற்பாடுகள் ஸ்தம்பிதமடைந்துள்ளன என்றார்.
குக் வித் கோமாளி புகழ் அஷ்வினுக்கு நாளை (நவம்பர் 20) திருமணம்... பெண், பிரபல இயக்குனரின் பேத்தி... Cineulagam