புனர்வாழ்வளிக்கப்படும் இளைஞர்களுக்கு தொழிற்கல்வி பயிற்சிகளை வழங்க திட்டம்

போதைப்பொருட்களுக்கு அடிமையான பிறகு, அதிலிருந்து மீண்ட இளைஞர்களைத் தொழிற்கல்விப் பயிற்சிகளை நோக்கி வழிநடத்தும் ஒரு திட்டத்தை கைத்தொழில் அமைச்சு தொடங்கியுள்ளது.

இது தொடர்பாக ஒரு விசேட கலந்துரையாடல் நேற்று (30) அமைச்சு வளாகத்தில், கைத்தொழில் அபிவிருத்தி அமைச்சர் சுனில் ஹந்துன்னெத்தி மற்றும் அமைச்சின் செயலாளர் திலகா ஜெயசுந்தர ஆகியோரின் தலைமையில் நடைபெற்றது.

முன்னாள் ஜனாதிபதியின் மகனின் பெரும் கடத்தல் மோசடி அம்பலம் - சிஐடிக்கு கசிந்த தகவல்

பயிற்சி பெறாத தொழிலாளர்கள்

புனர்வாழ்வளிக்கப்பட்ட இளைஞர்கள் தனியார் துறையில் நிரந்தரமான தொழில்முறை வேலைகளுக்கு வழிநடத்தப்படுவார்கள் என்றும், இத்திட்டம் போதைப்பொருள் கட்டுப்பாட்டுக்கான தேசிய சபை, புனர்வாழ்வுப் பணியகம் மற்றும் தொழிற்பயிற்சி அதிகார சபை ஆகியவற்றுடன் இணைந்து செயல்படுத்தப்படும் என்றும் எதிர்பார்க்கப்படுகிறது.

இந்நிகழ்ச்சியில் பேசிய அமைச்சர், தற்போது தனியார் துறைத் தொழிலில் 4 லட்சத்திற்கும் மேற்பட்ட காலிப் பணியிடங்கள் இருப்பதாகவும், அந்த இடங்களை நிரப்புவதற்குப் போதுமான பயிற்சி பெற்ற மற்றும் பயிற்சி பெறாத தொழிலாளர்கள் இல்லை என்றும் சுட்டிக்காட்டினார்.

இதன் காரணமாக, உள்ளூர் தொழிலதிபர்கள் இந்தியா மற்றும் சீனா போன்ற நாடுகளில் இருந்து வெளிநாட்டுத் தொழிலாளர்களை வரவழைக்க வேண்டிய கட்டாயத்திற்கு உள்ளாகியுள்ளனர் என்றும் அமைச்சர் குறிப்பிட்டுள்ளார்.

இளைஞர்கள் புனர்வாழ்வு அளிக்கப்பட்டு

கட்டுமானம், ஓடுகள் மற்றும் துணைக்கருவிகள், பாதணிகள், தோல் பொருட்கள், ஆட்டோமொபைல்கள் உள்ளிட்ட பல தொழில்துறைகளில் இத்தகைய வெற்றிடங்கள் இருப்பதைச் சுட்டிக்காட்டிய அமைச்சர் ஹந்துன்னெத்தி, கைத்தொழில் அமைச்சின் நேரடித் தலையீட்டுடன், முறையான பயிற்சி மற்றும் திட்டத்தின் கீழ் புனர்வாழ்வளிக்கப்பட்ட தொழிலாளர்களைத் தொழிலதிபர்களிடம் அனுப்புமாறு அதிகாரிகளுக்கு அறிவுறுத்தினார்.

தற்போது பல்வேறு தொழில்துறைகளில் சுமார் பத்தாயிரம் இளைஞர்கள் புனர்வாழ்வு அளிக்கப்பட்டுள்ளதாகவும், வவுனியா, சேனபுர மற்றும் கண்டக்காடு ஆகிய இடங்களில் உள்ள மூன்று புனர்வாழ்வு மையங்களில் ஆண்டுதோறும் சுமார் 800 பேரளவிலான போதைக்கு அடிமையானவர்கள் தொழிற்பயிற்சியுடன் புனர்வாழ்வளிக்கப்பட்டு மீண்டும் சமூகமயமாக்கப்படுவதாகவும் தெரியவந்துள்ளது.

கைத்தொழில் அமைச்சின் மேலதிக செயலாளர்கள் எஸ். டபிள்யூ. சி. ஜெயமினி மற்றும் சுசந்த ஜெயதிலக, கைத்தொழில் அமைச்சின் அதிகாரிகள், புனர்வாழ்வு பணியகத்தின் தலைவர் பேராசிரியர் வசந்த சுபசிங்க, போதைப்பொருள் கட்டுப்பாட்டுக்கான தேசிய சபையின் தலைவர் ஓய்வுபெற்ற பிரதி பொலிஸ் மா அதிபர் ஜே. ஏ. கே. மார்க், தேசிய போதைப்பொருள் கட்டுப்பாட்டு சபை அதிகாரிகள், தொழிற்பயிற்சி அதிகார சபை அதிகாரிகள் மற்றும் பலர் இந்தக் கலந்துரையாடலில் பங்கேற்றனர்.

சுகீஷ்வர பண்டாரவிற்கு நீதிமன்றம் பிறப்பித்த உத்தரவு

இலங்கையில் வரி வலையில் சிக்காமல் தப்பிக்கும் மக்கள் - அரசு விடுத்துள்ள எச்சரிக்கை