லங்காசிறி FM
பொய் வழக்குகளைப் போட்டு போராட்டங்களை ஒடுக்கும் அநுர அரசு - கஜேந்திரன் ஆவேசம்
மக்களின் நியாயமான போராட்டங்களை ஒடுக்குவதற்காகப் பொலிஸாரும் அரசும் கூட்டுச்சேர்ந்து பொய் வழக்குகளைப் போட்டு நீதிமன்றங்களுக்குள் அலைக்கழிப்பதன் மூலம் அச்சத்தை ஏற்படுத்தி, போராட்டங்களிலிருந்து மக்களை ஒதுங்கச் செய்யலாம் என்ற அரசின் கனவு ஒருபோதும் நனவாகாது என செல்வராசா கஜேந்திரன் தெரிவித்துள்ளார்.
மல்லாகம் நீதிவான் நீதிமன்றத்தில் தையிட்டி திஸ்ஸ விகாரைக்கு எதிரான போராட்டம் தொடர்பான வழக்கு விசாரணை நேற்று(01.10.2026) இடம்பெற்ற பின்னர் ஊடகங்களுக்குக் கருத்துத் தெரிவிக்கும்போதே அவர் மேற்கண்டவாறு குறிப்பிட்டுள்ளார்.
மக்களின் காணிகளை இராணுவத்தினர் ஆக்கிரமிப்பு
அவர் மேலும் தெரிவிக்கையில்,
யாழ்ப்பாணம் - வலிகாமம் வடக்கு தையிட்டியிலே தமிழ் மக்களுக்குச் சொந்தமான காணிகளை ஸ்ரீலங்கா இராணுவத்தினர் சட்டவிரோதமாக ஆக்கிரமித்து, அங்கே ஒரு சட்டவிரோதமான விகாரையை அமைத்துள்ளனர்.
அந்தக் காணி உரிமையாளர்கள் தங்களின் காணிகள் தங்களிடம் ஒப்படைக்கப்பட வேண்டும் என வலியுறுத்தித் தொடர் போராட்டத்தில் ஈடுபட்டு வருகின்றனர்.
இந்தப் போராட்டத்தையும் மற்றும் சிவில் அமைப்புகளின் ஆதரவையும் திசைதிருப்பவும், சட்டவிரோதக் கட்டுமானங்களைப் பாதுகாக்கவும் அரசும் பொலிஸாரும் இனவாத அடிப்படையில் போராட்டக்காரர்கள் மீது பொய்க் குற்றச்சாட்டுகளைச் சுமத்தி நீதிமன்றத்துக்கு அலைக்கழிக்கின்றனர்.
தையிட்டி போராட்டம்
தையிட்டி போராட்டம் தொடர்பாகப் பொலிஸாரால் தாக்கல் செய்யப்பட்ட பல்வேறு வழக்குகளில், 5 வழக்குகள் இன்று(02) மல்லாகம் நீதிவான் நீதிமன்றத்தில் விசாரணைக்காக அழைக்கப்பட்டிருந்தன.
தையிட்டியிலே நடைபெறுகின்ற போராட்டம் என்பது வெறுமனே அந்த நிலத்தின் காணி உரிமையாளர்களுக்கான போராட்டம் மட்டுமல்ல. அது வடக்கு, கிழக்கில் பூர்விகமாக வாழும் தமிழ் மக்களின் இருப்பைப் பாதுகாப்பதற்கான உரிமைப் போராட்டமாகும்.
ஜனநாயக உரிமைகளை வென்றெடுப்பதற்காக நாங்கள் தொடர்ந்து போராடுவோம். ஒட்டுமொத்த மக்களின் பாதுகாப்பை உறுதிப்படுத்த இந்தப் போராட்டத்துடன் மக்கள் ஒன்றிணைந்து தொடர்ந்தும் ஒத்துழைப்பு வழங்க வேண்டும் என்றார்.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
