தமிழ் குடும்பமான நடேஸ் - பிரியா தம்பதியினருக்கு அவுஸ்திரேலியாவில் கிடைத்த கௌரவம்! (PHOTOS)

Srilanka Australiya

By Dhayani Nov 20, 2021 06:40 PM GMT

Dhayani

in ஆஸ்திரேலியா

Report

புகலிடக்கோரிக்கை நிராகரிக்கப்பட்ட நிலையில் கிறிஸ்மஸ் தீவு அகதிகள் முகாமில் தடுத்து வைக்கப்பட்டிருக்கும் நடேஸ் பிரியாவிற்கு 'Woman of the Year' என்ற கௌரவத்தை அவுஸ்திரேலியாவின் முக்கிய மாதர் சஞ்சிகையொன்று வழங்கியுள்ளது.

அவுஸ்திரேலியாவில் புகலிடக்கோரிக்கை மறுக்கப்பட்டு இலங்கைக்கு திருப்பி அனுப்பப்படவிருந்த நிலையில், அதற்கெதிராக முழுக்குடும்பமும் போராடியது.இவர்களுக்கு அவுஸ்திரேலியாவின் பல தரப்புகளிலிருந்தும் ஆதரவுக்கரம் நீட்டப்பட்டுள்ளது.

இந்த பின்னணியில், தனது குடும்பத்தின் இருப்புக்காக போராடிய பிரியாவுக்கு அவுஸ்திரேலியாவின் முக்கிய மாதர் சஞ்சிகை 'Women Of The Year' என்ற கௌரவத்தை வழங்கியுள்ளது.

பிரான்ஸில் 1937 இல் ஆரம்பிக்கப்பட்டு பல்வேறு நாடுகளிலிருந்து வெளிவந்துகொண்டிருக்கும் இந்த சஞ்சிகை மூலம் பிரியா உட்பட 9 பெண்களுக்கும், பிரியா குடும்பத்தின் விடுதலைக்காக போராடிய The Women of Biloela என்ற குழுவுக்கும், இந்த கௌரவத்தை வழங்கியுள்ளது.

பிரியாவுடன் Grace Tame, Brittany Higgins, Ash Barty, Ellie Cole, Emma McKeon, Shareena Clanton, Charlee Fraser, Christine Holgate, Chanel Contos ஆகிய பெண்களுக்கு சாதனைப்பெண்கள் என்ற கௌரவத்தை இந்த சஞ்சிகை வழங்கியிருக்கின்றமை குறிப்பிடத்தக்கது.

குறித்த குடும்பம் கிறிஸ்மஸ் தீவு தடுப்புமுகாமிலிருந்து விடுவிக்கப்பட்டு தற்காலிகமாக பெர்த்தில் வாழ அனுமதிக்கப்படுவதாக குடிவரவு அமைச்சர் அறிவித்திருந்தமை குறிப்பிடத்தக்கது.