அரசாங்க ஊழியர்களுக்கு அதிர்ச்சி கொடுத்துள்ள அநுர அரசாங்கம்
சமகால அரசாங்கத்தின் மற்றுமொரு வரவு செலவுத்திட்ட அறிக்கை நாடாளுமன்றத்தில் முன்வைக்கப்பட்டுள்ள நிலையில், அதில் குறிப்பிடப்பட்ட அரச ஊழியர்களின் சம்பளமே அதிகரிக்கப்பட்டுள்ளதாக சுட்டிக்காட்டப்பட்டுள்ளது.
இந்நிலையில் அரச ஊழியர்களின் கொடுப்பனவுகள் தொடர்பில் இம்முறை வரவு செலவுத் திட்டத்தில் கலந்துரையாடுவதற்கு இடமில்லை என வீடமைப்பு, நிர்மாணத்துறை மற்றும் நீர்வழங்கல் அமைச்சர் சுசில் ரணசிங்க தெரிவித்துள்ளார்.
அரச ஊழியர்களுக்கு விடுபட்ட கொடுப்பனவுகள், அதிகரிக்கப்பட வேண்டிய கொடுப்பனவுகள், குறைக்கப்பட்ட கொடுப்பனவுகள் எனப் பல தரப்பினரின் கொடுப்பனவுகள் தொடர்பில் பிரச்சினைகள் காணப்பட்ட போதிலும், தற்போது கலந்துரையாட முடியாதென அவர் குறிப்பிட்டுள்ளார்.
சம்பள அதிகரிப்பு
இந்த கொடுப்பனவுகள் தொடர்பான கலந்துரையாடலை 2028 ஆம் ஆண்டு வரவு செலவுத் திட்டத்திலேயே கவனம் செலுத்த முடியும் என அமைச்சர் குறிப்பிட்டுள்ளார்.

2027 ஆம் ஆண்டு வரவு செலவுத் திட்டத்தில் அடிப்படைச் சம்பள உயர்வுக்கான இடத்தையே நாம் ஒதுக்கி வைத்துள்ளோம். எனவே, 2027 வரவு செலவுத் திட்ட இடைவெளியிலும், நிதி இடைவெளியிலும் கொடுப்பனவுகளை அதிகரிப்பதற்கு வாய்ப்பில்லை என அமைச்சர் குறிப்பிட்டுள்ளார்.
அரசாங்கத் தகவல் திணைக்களத்தில் நடைபெற்ற ஊடகவியலாளர் சந்திப்பில் உரையாற்றும் போதே அமைச்சர் சுசில் ரணசிங்க இதனை குறிப்பிட்டுள்ளார்.
அரசின் நிலைப்பாடு
கடந்த ஜனாதிபதி மற்றும் பொதுத் தேர்தலின் போது அரசாங்க ஊழியர்களின் சம்பளம் தொடர்பில் தேசிய மக்கள் சக்தி அரசாங்கம் மிகவும் கரிசனை கொண்டிருந்தது.

எனினும் தற்போது அதில் ஏமாற்றமே கிடைத்துள்ளதாக பல அரசாங்க ஊழியர்கள் ஆதங்கம் வெளியிட்டுள்ளனர்.
எனினும் தேசிய மக்கள் சக்தி அரசாங்கத்தின் முதல் வரவு செலவுத்திட்டத்தில் அரசாங்க ஊழியர்களுக்கான சம்பளம் பத்தாயிரம் ரூபாவாக அதிகரிக்கப்பட்ட நிலையில், அது மூன்று கட்டங்களாக ஒவ்வொரு ஆண்டும் சம்பளத்துடன் சேர்க்கப்பட்டு வருகிறது.
அதற்கமைய சம்பள அதிகரிப்பின் இறுதிக்கட்ட எதிர்வரும் ஜனவரி மாதம் அரசாங்க ஊழியர்களின் சம்பளத்துடன் இணைக்கப்படவுள்ளமை குறிப்பிடத்தக்கது.
இலங்கையில் நோயாளியை காப்பாற்ற உயிரை பணயம் வைத்து போராடிய மக்கள் - தொடருந்து நிலையத்தில் பரபரப்பு சம்பவம்