லங்காசிறி FM
ஜனாதிபதியாக பதவிப்பிரமாணம் செய்தார் ரணில்! மைத்திரி, மகிந்தவும் பங்கேற்பு (Video)
இலங்கையின் 8ஆவது நிறைவேற்று அதிகாரம் கொண்ட ஜனாதிபதியாக ரணில் விக்ரமசிங்க சற்றுமுன்னர் நாடாளுமன்ற வளாகத்தில் பிரதம நீதியரசர் ஜயந்த ஜயசூரிய முன்னிலையில் பதவிப்பிரமாணம் செய்துகொண்டார்.
இன்று காலை பத்து மணியளவில் நாடாளுமன்ற கட்டட தொகுதிக்கு வந்த ரணில் விக்ரமசிங்க முப்படைகளின் அணிவகுப்பு மரியாதையுடன் சபாநாயகர், படைகள சேவிதர், நாடாளுமன்ற செயலாளர் நாயகம் ஆகியோரால் வரவேற்கப்பட்டிருந்தார்.
இதனை தொடர்ந்து பதவிப்பிரமாணம் செய்யப்பட்டுள்ளது. இதேவேளை நாடாளுமன்றத்திற்கு செல்லும் வீதிகளில் பாதுகாப்பு பலப்படுத்தப்பட்டுள்ளது.
மேலும் இந்த நிகழ்வில் முன்னாள் ஜனாதிபதிகளான மைத்திரிபால சிறிசேன, மகிந்த ராஜபக்ச உள்ளிட்டோரும் கலந்து கொண்டிருந்தனர்.
இரண்டாம் இணைப்பு
8ஆவது நிறைவேற்று அதிகாரம் கொண்ட ஜனாதிபதியாக இன்னும் சற்றுநேரத்தில் ரணில் விக்ரமசிங்க பதவியேற்கவுள்ளார்.
இதற்கான நிகழ்வு தற்போது ஆரம்பமாகியுள்ளது.
பதவியேற்பிற்கான அனைத்து ஏற்பாடுகளும் செய்யப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.
இதேவேளை முப்படைகளின் அணிவகுப்பு மரியாதையுடன் சபாநாயகர், படைகள சேவிதர், நாடாளுமன்ற செயலாளர் நாயகம் ஆகியோர் ஜனாதிபதி ரணில் விக்ரமசிங்கவை வரவேற்றுள்ளனர்.
முதலாம் இணைப்பு
ரணில் விக்ரமசிங்க 8ஆவது நிறைவேற்று அதிகாரம் கொண்ட ஜனாதிபதியாக பதவியேற்கவுள்ளார்.
இந்த பதவியேற்பு நிகழ்வு இன்றைய தினம் காலை நாடாளுமன்ற கட்டடத் தொகுதியில் இடம்பெறவுள்ளது.
இதன்போது பிரதம நீதியரசர் முன்னிலையில் ரணில் விக்ரமசிங்க சத்திய பிரமாணம் செய்துக் கொள்வார் என கூறப்படுகிறது.
வாக்கெடுப்பில் ரணில் வெற்றி
இலங்கையின் ஜனாதிபதி தெரிவிற்கான வாக்கெடுப்பு நேற்றைய தினம் நாடாளுமன்றத்தில் இடம்பெற்றிருந்தது.
இதன்போது 134 வாக்குகளை பெற்று புதிய ஜனாதிபதியாக ரணில் விக்ரமசிங்க தெரிவானார்.
அத்துடன், நாட்டின் எட்டாவது ஜனாதிபதியாக ரணில் விக்ரமசிங்க தெரிவு செய்யப்பட்டுள்ளமைக்கான விசேட வர்த்தமானி அறிவித்தல் நேற்று பிற்பகல் வெளியாகியிருந்தது.
இந்த நிலையிலேயே இன்றைய தினம் பதவியேற்பு நிகழ்வு இடம்பெறவுள்ளது.
தொடர்புடைய செய்தி...
இலங்கையின் புதிய ஜனாதிபதியாக தெரிவானார் ரணில்!
நிறைவேற்று அதிகாரம் கொண்ட 8 ஆவது ஜனாதிபதி ரணில் விக்ரமசிங்க! வெளியான விசேட வர்த்தமானி
அரச சொத்துகளை ஆக்கிரமிப்பது ஜனநாயகம் அல்ல - ஜனாதிபதி கடும் எச்சரிக்கை
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
