மியன்மார் இணையவழி மோசடி மையங்களில் தவிக்கும் 5000இற்கும் மேற்பட்டோர்

மியன்மார் மற்றும் தாய்லாந்து எல்லைப் பகுதிக்கு அருகே செயல்பட்டு வரும் சட்டவிரோத இணையவழி மோசடி மையங்களில், 5,300இற்கும் மேற்பட்ட மக்கள் இன்னும் மீட்கப்பட முடியாமல் சிக்கியுள்ளனர் என்று மனித உரிமைகள் அமைப்பு ஒன்று தெரிவித்துள்ளது.

கடந்த ஆண்டு தாய்லாந்து அரசு எடுத்த கூட்டு அதிரடி நடவடிக்கையின் மூலம், மியன்மாரின் மியாவாடி பகுதியில் இருந்து சுமார் 5,000 பேர் மீட்கப்பட்ட போதிலும், அங்கு இன்னும் பெரிய அளவிலான மோசடி நெட்வொர்க்குகள் தொடர்ந்து இயங்கி வருகின்றன.

உயிர்த்த ஞாயிறு தாக்குதலின் பின்னணியில் டர்ம்ப்..! விகாரைகளே ஆரம்ப இலக்கு

நான்கு முக்கிய இடங்களில் அடைத்து வைப்பு

இது தொடர்பாக 'மனித கடத்தலால் பாதிக்கப்பட்டோருக்கான சிவில் சமூக கூட்டமைப்பு' தாய்லாந்து பொலிஸாருக்கு அனுப்பியுள்ள கடிதத்தில், மியன்மார் நாட்டின் ஆயுதமேந்திய கிளர்ச்சியாளர்கள் குழுவான 'டெமாக்ரடிக் கரேன் பௌத்த ஆர்மி' கட்டுப்பாட்டில் உள்ள நான்கு முக்கிய இடங்களில் இந்த மக்கள் அடைத்து வைக்கப்பட்டுள்ளதாகக் குறிப்பிட்டுள்ளது.

இவ்வாறு சிக்கியுள்ளவர்களில் சுமார் 1,600 பேர் சீன நாட்டவர்கள் என்றும், 200 பேர் மியன்மார்வாசிகள், 20 பேர் தாய்லாந்து மக்கள் என்றும் மதிப்பிடப்பட்டுள்ளது.

இது தவிர பிலிப்பைன்ஸ், மலேசியா, தாய்வான், பிரேசில், ரஷ்யா, கென்யா மற்றும் உகாண்டா உள்ளிட்ட பல்வேறு நாடுகளைச் சேர்ந்த மக்களும் இங்கு தவித்து வருகின்றனர்.

வேலை வாங்கித் தருவதாகக் கூறி

இந்த இணைய மோசடி மையங்கள் உலகம் முழுவதும் உள்ள மக்களை ஏமாற்றி ஆண்டுக்கு பல பில்லியன் டொலர்களைச் சம்பாதிப்பதாக ஐக்கிய நாடுகள் சபை (UN) தெரிவிக்கிறது.

வெளிநாடுகளில் அதிக சம்பளத்தில் வேலை வாங்கித் தருவதாகக் கூறி கடத்தி வரப்படும் இத்தகைய நபர்கள், மிகக் கொடூரமான சூழ்நிலையில் வேலை செய்ய நிர்பந்திக்கப்படுவதோடு, கடுமையான சித்திரவதைகளுக்கும் உள்ளாக்கப்படுகின்றனர்.

இந்த மோசடி மையங்களை முழுமையாக அழிக்கவும், அங்குள்ள மக்களைப் பாதுகாப்பாக மீட்கவும் தாய்லாந்து பொலிஸ் உடனடியாக நடவடிக்கை எடுக்க வேண்டும் என அந்த மனித உரிமை அமைப்பு வலியுறுத்தியுள்ளது.

பெண்களை அவமதிக்கும் வகையில் தகாத முறையில் காணொளி பதிவு செய்த பொலிஸாரினால் சர்ச்சை

9