அமைதிப் பேச்சுவார்த்தையை தொடர்ந்து எண்ணெய் விலையில் ஏற்பட்டுள்ள அதிரடி மாற்றம்!

அமைதிப் பேச்சுவார்த்தைகளுக்காக வார இறுதியில் பாகிஸ்தானுக்குச் செல்லத் திட்டமிட்டிருந்த பயணத்தை அமெரிக்க அதிகாரிகள் ரத்து செய்ததைத் தொடர்ந்து, இன்று (27) எண்ணெய் விலைகள் உயர்ந்து வருகின்றன.

அமெரிக்க அதிகாரிகள், வார இறுதியில் பாகிஸ்தானுக்கு திட்டமிட்டிருந்த சமாதான பேச்சுவார்த்தை பயணத்தை ரத்து செய்ததால், மத்திய கிழக்கு பகுதியிலிருந்து உலக சந்தைகளுக்கு செல்லும் பெரும் அளவிலான எண்ணெய் மற்றும் இயற்கை எரிவாயு வழங்கல் மீண்டும் விரைவில் சீராகும் என்ற நம்பிக்கை குறைந்துள்ளது.

தொடர்ந்து நீடிக்கும் போர் பதற்றம் - அடுத்தது என்ன என்ற எதிர்ப்பார்ப்பில் உலகம்! ஈரான் முன்மொழிந்துள்ள மூன்று கட்டத் திட்டம்

எண்ணெய் விலை

உலகளாவிய அளவில் முக்கியமான அளவுகோலான பிரெண்ட் கச்சா எண்ணெய் விலை 2.5% உயர்ந்து, ஒரு பீப்பாய்க்கு சுமார் $108 ஆக உயர்ந்துள்ளது.

இது, அமெரிக்கா-ஈரான் இடையேயான தற்போதைய சமாதான நிலை (ceasefire) தொடங்கியபின் மூன்று வாரங்களில் ஏற்பட்ட உயர்ந்த நிலையாகும். அதேபோல், அமெரிக்க அளவுகோலான WTI எண்ணெய் விலை 2.2% உயர்ந்து, ஒரு பீப்பாய்க்கு $96.4 ஆக உள்ளது.

இந்த மோதல் இரண்டு மாதங்களுக்கு அண்மித்துள்ள நிலையில், Goldman Sachs நிறுவனம் இந்த ஆண்டின் நான்காவது காலாண்டிற்கான எண்ணெய் விலை கணிப்புகளை உயர்த்தியுள்ளது.

அதன்படி, பிரெண்ட் எண்ணெய் விலை முன்பு கணிக்கப்பட்ட $80-இல் இருந்து $90 ஆகவும், WTI எண்ணெய் விலை $75-இல் இருந்து $83 ஆகவும் உயரலாம் என எதிர்பார்க்கப்படுகிறது.

தமிழ்நாட்டின் அடுத்த முதல்வர் யார்..! திராவிடக் கட்சிகளின் பாரம்பரிய பலத்திற்கும் புதிய சக்தியின் எழுச்சிக்கும் இடையிலான போட்டி

வெளியான எச்சரிக்கை

ஞாயிற்றுக்கிழமை வெளியிடப்பட்ட குறிப்பில், அந்த வங்கியின் ஆய்வாளர்கள் “எண்ணெய் விலை மேலும் உயரும் அபாயம், சுத்திகரிக்கப்பட்ட தயாரிப்புகளின் அதிக விலை, பொருட்கள் பற்றாக்குறை அபாயம் மற்றும் இந்த அதிர்ச்சியின் அபூர்வமான அளவு” காரணமாக பொருளாதார ஆபத்துகள் அதிகரிக்கலாம் என்று எச்சரித்துள்ளனர்.

ஈரான், உலகின் எண்ணெய் மற்றும் இயற்கை எரிவாயு வழங்கலில் சுமார் ஐந்தில் ஒரு பங்கு கடந்து செல்லும் ஹோர்முஸ் நீரிணை (Strait of Hormuz) போர் முன் இருந்த நிலைக்கு திரும்பாது என்று ஞாயிற்றுக்கிழமை எச்சரித்துள்ளது.

இதேவேளை, அமெரிக்க அதிபர் டொனால்ட் டிரம்ப், இந்த போர் “மிக விரைவில் முடிவுக்கு வரலாம்” என்று மீண்டும் தெரிவித்துள்ளார்.