லங்காசிறி FM
புலனாய்வு பிரிவிற்கு காணி வழங்குவதில் வவுனியா ஒருங்கிணைப்புக் குழு கூட்டத்தில் எதிர்ப்பு
வவுனியா, பூங்கா வீதியில் அமைந்துள்ள அரச காணியில் தேசிய புலனாய்வு அலுவலகத்திற்கு காணி வழங்குவதற்கு வடமாகாண ஆளுநர் பீ.எச்.எம்.சாள்ஸ் பரிந்துரைத்துள்ள நிலையில், மாவட்ட ஒருங்கிணைப்பு குழுக்கூட்டத்தில் அதற்கு எதிர்ப்பு வெளியிடப்பட்டுள்ளது.
காணியற்ற அரச திணைக்களங்களான அரச ஒசுசல, புவிச்சரிதவியல் திணைக்களம், தெங்கு அபிவிருத்தி அதிகார சபை, பனை அபிவிருத்திசபை, சமூக நீர்வழங்கல் திணைக்களம், தேசிய புலனாய்வு அலுவலகம், மற்றும் பொது அமைப்புக்களான முச்சகரவண்டி உரிமையாளர் சங்கம், சிகை அலங்கரிப்பாளர் சங்கம், பேருந்து உரிமையாளர் சங்கம், பாரவூர்திசங்கம், ஓய்வூதியர் சங்கம், ஊடகவியலாளர் சங்கம் ஆகியன தமக்கு நகரப் பகுதியில் காணி ஒதுக்கித் தருமாறு வவுனியா பிரதேச செயலகத்திடம் கோரிக்கை விடுத்திருந்ததாக தெரிவிக்கப்பட்டது
அதற்கமைய குறித்த அமைப்புக்களுக்கு வவுனியா பூங்கா வீதிப் பகுதி மற்றும் திருநாவற்குளம் பாரவூர்தி தரிப்பிடம் அமைந்துள்ள பகுதி ஆகியவற்றை பிரித்து வழங்குவதற்கு மாவட்ட ஒருங்கிணைப்பு குழுவிடம் அனுமதி கோரப்பட்டிருந்தது.
ஆளுனரால் பரிந்துரை
இதன்போது, பூங்கா வீதியில் அமைந்துள்ள காணி தேசிய புலனாய்வு அலுவலுகத்திற்கு வழங்குவதற்காக வடக்கு மாகாண ஆளுனர் பீ.எச்.எம்.சாள்ஸால் பரிந்துரை செய்யப்பட்டுள்ளதாக தெரிவிக்கப்பட்டது.
இதனையடுத்து, காணியினை அவர்களுக்கு வழங்குவதற்கு மாவட்ட ஒருங்கிணைப்பு குழுத்தலைவரும், வன்னி மாவட்ட நாடாளுமன்ற உறுப்பினருமான கு.திலீபன் மற்றும் நாடாளுமன்ற உறுப்பினர் சாள்ஸ் நிர்மலநாதன் ஆகியோர் நேற்று (15.02.2024) மாவட்ட ஒருங்கிணைப்பு குழுக்கூட்டத்தில் வைத்து எதிர்ப்பை வெளியிட்டிருந்தனர்.
இதன்போது, மாவட்ட ஒருங்கிணைப்புக்குழுத் தலைவர் கு.திலீபன் கருத்து தெரிவிக்கையில்,
“பூங்கா வீதியில் அமைந்துள்ள இடம் தேசிய புலனாய்வுப் பிரிவுக்கு வழங்குவதற்கு ஆளுனரால் பரிந்துரைக்கப்பட்டுள்ளது. நாங்கள் பிரதேச செயலக ஒருங்கிணைப்புக்கு கூட்டத்திலும் அதை நிராகரித்தோம்.
மாவட்ட ஒருங்கிணைப்புக்குழுக் கூட்டத்திலும் நிராகரிக்கின்றோம். தேசிய புலனாய்வு திணைக்களத்திற்கு கொடுப்பதற்கு உடன்பாடில்லை.
அதனை அரச திணைக்களங்களுக்கு
அல்லது மாவட்ட மட்ட சங்கங்களுக்கு வழங்க வேண்டும் என முடிவெடுக்கின்றோம்” என்றார்.
நீண்டகா கோரிக்கை
வன்னி மாவட்ட நாடாளுமன்ற உறுப்பினர் சாள்ஸ் நிர்மலநாதன் கருத்து தெரிவிக்கையில்,
“வவுனியா மாவட்டத்தில் பல திணைக்களங்கள், பல சங்கங்கள் தமது காணி இல்லை என நீண்டகாலமாக கோரிக்கைகளை முன்வைத்துள்ளனர்.
அவர்களுக்கு காணி வழங்கப்படவில்லை. தேசிய புலனாய்வு பிரிவுக்கு நகரப் பகுதியில் காணி தேவையில்லை. அவர்கள் எங்கும் இருக்க முடியும். இரகசியமாக அவர்கள் இருக்க வேண்டியவர்கள்.
பொலிஸிற்குள் கூட இருக்க முடியும். அந்த இடம் பொது அமைப்புக்களுக்கு கொடுப்பது தான் பொருத்தமாக இருக்கும்” என தெரிவித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
புங்குடுதீவு 6ம் வட்டாரம், சாவகச்சேரி, Mississauga, Canada
30 Oct, 2023
வல்வெட்டித்துறை, மட்டக்களப்பு, யாழ்ப்பாணம், Gaborone, Botswana, Toronto, Canada
25 Oct, 2024
