லங்காசிறி FM
வாக்குறுதிகளைக் காற்றில் பறக்கவிட்ட என்.பி.பி. அரசு: எதிரணி சாடல்
தேர்தல் காலத்தில் மக்களுக்குக் கொடுத்த வாக்குறுதிகளைக் காற்றில் பறக்கவிட்டுவிட்டு, பொதுமக்களின் அடிப்படை உரிமைகளைப் பறிக்கும் வகையிலான அடக்குமுறைச் சட்டங்களை அரசு அடிக்கடி நாடாளுமன்றத்துக்குக் கொண்டு வருகின்றது என நாடாளுமன்ற உறுப்பினர் முஜிபுர் ரஹ்மான் குற்றம் சாட்டினார்.
கொழும்பிலுள்ள ஐக்கிய மக்கள் சக்தி அலுவலகத்தில் இன்று(26.10.2026) நடைபெற்ற ஊடகவியலாளர் சந்திப்பில் கருத்துத் தெரிவிக்கும்போதே அவர் மேற்கண்டவாறு குறிப்பிட்டார்.
அவர் மேலும் தெரிவிக்கையில், "அடக்குமுறைச் சட்டங்களை இரத்துச் செய்து 'வளமான நாடு - அழகான வாழ்க்கை'யைக் கட்டியெழுப்பப் போவதாக வாக்குறுதியளித்த அரசு, தற்போது அதற்கு முற்றிலும் மாறாகச் செயற்பட்டு வருகின்றது.
புதிய கொடூரச் சட்டமூலங்கள்
மக்களின் ஆடைச் சுதந்திரம், தலைமுடி பாணி மற்றும் உடலில் குத்தப்படும் பச்சை போன்ற தனிப்பட்ட விடயங்களைக் கூடக் கேள்விக்குள்ளாக்கி மக்களைக் கைது செய்யக்கூடிய வகையில் புதிய கொடூரச் சட்டமூலங்கள் உருவாக்கப்பட்டு வருகின்றன.
பொலிஸார், முப்படையினர் மற்றும் கரையோரப் பொலிஸாருக்கு இத்தகைய வரம்பற்ற அதீத அதிகாரங்களை வழங்குவது ஜனநாயகத்துக்குப் பாரிய அச்சுறுத்தலாகும்.
உத்தேச புதிய சட்டங்கள் சர்வதேச மனித உரிமைகள் தரத்துக்கு அமையவில்லை என இலங்கை மனித உரிமைகள் ஆணைக்குழுவே சுட்டிக்காட்டியுள்ளது.
அரசின் தவறான நிர்வாகக் கொள்கைகளால் நாட்டின் வறுமை நிலையும் மக்களின் அன்றாட வாழ்க்கைச் சுமையும் முன்னெப்போதையும் விடப் பாரியளவில் அதிகரித்துள்ளன.
வாக்குறுதி
பொதுமக்கள் தங்களது அன்றாட உணவுத் தேவைக்காக நகைகளை அடகு வைப்பதும், கடன் அட்டைகள் ஊடாகக் கடன்களைப் பெறுவதும் பெருமளவில் அதிகரித்துள்ளது.ரூபாவின் பெறுமதி நாளுக்கு நாள் வீழ்ச்சியடைந்து வருகின்றது.
எரிபொருள் விலைகளும் மீண்டும் உயர்த்தப்பட்டு மக்களின் முதுகெலும்பை உடைக்கும் நடவடிக்கைகள் தொடர்கின்றன.
நாட்டின் வருமான வழிகளோ அல்லது ஊழியர்களின் சம்பளமோ அதிகரிக்கப்படாத நிலையில், மக்கள் மீதான மறைமுக வரிகளும் அத்தியாவசியப் பொருள்களின் விலைகளும் மட்டுமே உயர்த்தப்பட்டு வருகின்றன.
தேர்தல் காலத்தில் அரசு வெளியிட்ட கவர்ச்சிகரமான வாக்குறுதிப் புத்தகத்தின் அட்டையைப் பார்த்து ஏமாந்து வாக்களித்த பொதுமக்கள், இன்று அதன் உண்மையான கொடூரமான உள்ளடக்கங்களை அனுபவித்து வருகின்றனர். மக்கள் நிம்மதியாக வாழ முடியாத சூழலையே அரசு தோற்றுவித்துள்ளது எனக் குறிப்பிட்டுள்ளார்.
எனது பிள்ளைகளை ஒருபோதும் பார்க்க மாட்டீர்கள்: தந்தை தாமஸிற்கு மேகன் மெர்க்கலின் கடைசி கடிதம் News Lankasri
வெளிநாட்டில் இருக்கேன், சொல்லாம போறீங்களே அப்பா.. செஃப் தாமு மறைவால் கண்ணீர் விட்டு கதறும் புகழ் Cineulagam
பாக்ஸ் ஆபிஸ்: தமிழ் சினிமாவின் இண்டஸ்ட்ரி ஹிட் ஜெயிலர் 2.. 11 நாட்களில் உலகளவில் செய்துள்ள வசூல் Cineulagam
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026