இரண்டு வார கால போர் நிறுத்தம்- இது போரின் முடிவல்ல! ஈரான் உச்ச தலைவரின் அதிரடி உத்தரவு

அமெரிக்காவுடன் இரண்டு வார கால போர் நிறுத்தத்திற்கு ஒப்புக்கொண்டதைத் தொடர்ந்து, ஈரானின் உச்ச தலைவர் மொஜ்தபா கமெனி தனது அனைத்து இராணுவப் பிரிவுகளையும் துப்பாக்கிச் சூட்டை நிறுத்தும்படி உத்தரவிட்டுள்ளார்.

ஆனால், அதே நேரத்தில், இது போரின் முடிவல்ல என்பதையும் தெஹ்ரான் தெளிவுபடுத்தியுள்ளது.

ஈரான் போரில் ட்ரம்புக்கு செக்! ஈரானை அழிக்க திரைமறைவில் பெரும் சதி

 இது போரின் முடிவல்ல

அரசுக்குச் சொந்தமான ஈரான் இஸ்லாமியக் குடியரசு ஒலிபரப்பு நிறுவனத்தில் (IRIB) வாசிக்கப்பட்ட ஓர் அறிக்கையில், கமேனி இவ்வாறு குறிப்பிட்டுள்ளார்.

இது போரின் முடிவல்ல, ஆனால் அனைத்து இராணுவப் பிரிவுகளும் உன்னத தலைவரின் உத்தரவைப் பின்பற்றித் துப்பாக்கிச் சூட்டை நிறுத்த வேண்டும்.

Full Statement of the Supreme National Security Council :
[PART-

Good news to the dear nation of Iran! Nearly all the objectives of the war have been achieved.

The noble people of Iran should know that, thanks to the sacrifices of their children and their historic presence on…

— True Promise - الوعد الصادق ✪🇮🇷 (@IRTruePromise) April 7, 2026

போர் நிறுத்தம் என்பது போரின் முடிவைக் குறிக்காது என்றும், எதிரியான அமெரிக்காவோ அல்லது இஸ்ரேலோ எந்த வகையிலாவது செயல்பட்டால், தாக்குதலை எதிர்கொள்ளும் நிலையில் தாங்கள் இருப்பதாகவும் ஈரான் தெளிவுபடுத்தியுள்ளது.

போர் நிறுத்தம் அறிவிக்கப்பட்ட பின்னர் வெளியிடப்பட்ட ஓர் அறிக்கையில், ஈரானின் உச்ச தேசியப் பாதுகாப்பு மன்றம் இவ்வாறு கூறியுள்ளது.

இது போர் முடிவுக்கு வந்ததைக் குறிக்காது என்பது வலியுறுத்தப்படுகிறது... எங்கள் கைகள் தொடர்ந்து தாக்குதல் நிலையில் உள்ளன, எதிரியால் மிகச்சிறிய தவறு செய்யப்பட்டாலும், அது முழு பலத்துடன் எதிர்கொள்ளப்படும் என்று குறிப்பிடப்பட்டுள்ளது.

போர்நிறுத்த ஒப்பந்தத்தை உறுதிப்படுத்தும் ஈரானின் அறிக்கை! பகிர்ந்துள்ள ட்ரம்ப்

மீண்டும் சூடுபிடிக்கும் செம்மணி விவகாரம்! பிறந்தநாளை கொண்டாடிய அப்போதைய இராணுவ அதிகாரி