லங்காசிறி FM
மாகந்துரே மதுஷ் படுகொலை வழக்கில் புதிய திருப்பம்.. கடந்த அரசாங்கத்தால் எழுந்த அச்சம்
மாகந்துரே மதுஷ், பொலிஸ் காவலில் இருந்தபோது சுட்டுக் கொல்லப்பட்ட சம்பவம் தொடர்பான விசாரணையை குற்றப் புலனாய்வுத் திணைக்களத்திற்கு மாற்ற வேண்டும் என்று அவரது சட்டத்தரணிகள் கோரியுள்ளனர்.
நேற்றைய தினம் (12), இது தொடர்பில் கொழும்பு தலைமை நீதவான் நீதிமன்றத்தில் மனுத்தாக்கல் செய்யப்பட்டுள்ளது.
மாளிகாவத்தை பொலிஸாரால் இதுவரை மேற்கொள்ளப்பட்ட விசாரணை நடவடிக்கைகளில் திருப்தி அடையவில்லை என்று மதுஷின் மனைவி சார்பில் முன்னிலையான சட்டத்தரணிகள் கொழும்பு கூடுதல் நீதவான் நுவான் கௌசல்யாவிடம் இந்தக் கோரிக்கையை முன்வைத்துள்ளனர்.
அரசியல்வாதிகள் - அதிகாரிகளின் தொடர்பு
அதேநேரம், கடந்த அரசாங்கத்தின் போது, மதுஷின் மனைவி இந்த சம்பவம் தொடர்பாக நீதிமன்றத்தில் முன்னிலையாகவோ அல்லது சட்ட நடவடிக்கை எடுக்கவோ மிகவும் அச்சப்பட்டதாக இதன்போது சுட்டிக்காட்டப்பட்டுள்ளது.
மேலும், இந்த சம்பவத்தில் அப்போதைய பொலிஸ் அதிகாரிகள் மற்றும் அரசியல்வாதிகளின் தொடர்புதான் இதற்குக் காரணம் என்றும் மதுஷின் சட்டத்தரணிகள் நீதிமன்றத்தில் தெரிவித்துள்ளனர்.
பொலிஸ் காவலில் இருந்தபோது நடந்த இந்த மரணம் மிகவும் சந்தேகத்திற்குரியது என்பதால், இந்த விசாரணைகளை மாளிகாவத்தை பொலிஸாரிடம் இருந்து நீக்க வேண்டும் என்று சட்டத்தரணி சேனக பெரேரா உள்ளிட்ட சட்டத்தரணிகள் சங்கம் சுட்டிக்காட்டியுள்ளது.
இருப்பினும், நீதித்துறை சேவை ஆணையச் சட்டத்தின் விதிகளின்படி, முன்னெடுக்கப்பட்டு வரும் விசாரணையை வேறு துறைக்கு மாற்றுவதற்கு எந்த சட்டப்பூர்வ சாத்தியமும் இல்லை என்று கூறி, அந்தக் கோரிக்கையை நீதவான் நிராகரித்துள்ளார்.
தற்போதைய விசாரணை முறையாக மேற்கொள்ளப்படவில்லை என்று கருதப்பட்டால், குற்றப் புலனாய்வுத் திணைக்களத்தில் முறைப்பாடு அளிக்கலாம் என்று முந்தைய விசாரணையின் போதும் அறிவுறுத்தியதாக நீதவான் மேலும் நினைவு கூர்ந்துள்ளார்.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
