2017 இல் மோதலில் முடிந்த ராஜபக்ச தரப்பினரின் போராட்டம்! நாமலுக்கு மீண்டும் குற்றப்பத்திரிகை
2017ஆம் ஆண்டு ராஜபக்ச தரப்பினரால் முன்னெடுக்கப்பட்ட போராட்டம் மோதலில் முடிவடைந்த சம்பவம் மீண்டும் பேசுபொருளாகியுள்ளது.
மத்தள ராஜபக்ச சர்வதேச விமான நிலையத்தை இந்திய நிறுவனத்துடன் இணைந்து நிர்வகிக்க அரசாங்கம் எடுத்த முடிவுக்கு எதிர்ப்புத் தெரிவித்து நாமல் ராஜபக்ச தலைமையிலான கூட்டு எதிர்க்கட்சியினர் இப்போராட்டத்தை முன்னெடுத்தனர்.
பொதுச் சொத்துக்களுக்குச் சேதம் விளைவித்தமை மற்றும் நீதிமன்ற உத்தரவை மீறியமை ஆகிய குற்றச்சாட்டுகளின் கீழ் நாடாளுமன்ற உறுப்பினர்களான நாமல்ராஜபக்ச, டி.வி. சானக, பிரசன்ன ரணவீர உள்ளிட்ட பலர் கைது செய்யப்பட்டு விளக்கமறியலில் வைக்கப்பட்டனர்.
அக்டோபர் 2017 போராட்டத்தின் போது பொதுச் சொத்துக்களுக்குச் சேதம் விளைவித்ததாகத் தொடரப்பட்ட வழக்கில், நாமல் ராஜபக்ச உள்ளிட்ட 41 பேருக்கு எதிராக ஹம்பாந்தோட்டை மேல் நீதிமன்றத்தில் குற்றப்பத்திரிகை தாக்கல் செய்யப்பட்டுள்ளது.
இந்த வழக்கின் அடுத்தகட்ட விசாரணை 2027 ஜனவரி 14 ஆம் திகதிக்கு ஒத்திவைக்கப்பட்டுள்ளது.
2017 ஆர்ப்பாட்டத்தின் பின்னணி, நாமல் ராஜபக்ஷ எதிர்கொள்ளும் சட்ட விவகாரம் மற்றும் ரணில் - நாமல் இடையிலான அரசியல் கருத்து மோதல் தொடர்பான முழுமையான விடயங்களை நியுஸ் இன்சைட் நிகழ்ச்சியில் காணலாம்.