ஈஸ்டர் தாக்குதலின் முக்கிய சூத்திரதாரியை பாதுகாப்பதற்கு அரசு போடும் நாடகமே இது..! நாமல் கொந்தளிப்பு

உயிர்த்த ஞாயிறு பயங்கரவாதத் தாக்குதல்களுடன் தொடர்பில் குற்றம் சாட்டப்படும் இப்ராஹிம் என்பவரைப் பாதுகாப்பதற்கே தற்போதைய அரசு தீவிரமாக முயற்சித்து வருகின்றது என ஸ்ரீலங்கா பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச தெரிவித்துள்ளார்.

மொரட்டுவை பகுதியில் நேற்று(22.06.2026) ஊடகங்களுக்குக் கருத்துத் தெரிவித்த போதே அவர் இவ்வாறு குறிப்பிட்டுள்ளார்.

நீர்கொழும்பில் பெருந்தொகையான பணத்துடன் சிக்கிய இரு இளைஞர்கள்..! விசாரணையில் வெளியான ரகசியம்

உயிர்த்த ஞாயிறு தாக்குதல்

உயிர்த்த ஞாயிறு தாக்குதல்களுடன் தொடர்புடையவராகக் கூறப்படும் இப்ராஹிம் என்பவர் மக்கள் விடுதலை முன்னணியின் தேசியப் பட்டியல் உறுப்பினராக இருந்தவர் என்பதைச் சுட்டிக்காட்டிய நாமல் எம்.பி. தற்போதைய அரசு முற்றிலும் பழிவாங்கும் அரசியலிலேயே ஈடுபட்டு வருகின்றது என்றும் குற்றம் சாட்டியுள்ளார்.

அத்துடன், இப்ராஹிம் மீதான பாரதூரமான குற்றச்சாட்டுகளைத் திசைத்திருப்பி, அதனை மற்றவர்கள் மீது தேவையின்றிச் சுமத்த அரசு முயல்கின்றது என்றும் அவர் சாடியுள்ளார்.

அரசானது தனக்கு வாக்களித்த மற்றும் தங்களைப் பாதுகாத்த நபர்களைக் எவ்வாறாவது காப்பாற்றவே இவ்வாறான செயல்களில் தற்சமயம் ஈடுபட்டு வருகிறது என்றும், இதன் காரணமாக உயிர்த்த ஞாயிறு தாக்குதலில் பாதிக்கப்பட்ட அப்பாவி மக்கள் இன்னும் நீதிக்காகக் காத்துக் கிடக்க வேண்டிய அவல நிலை ஏற்பட்டுள்ளது என்றும் நாமல் கவலை வெளியிட்டுள்ளார்.

உயர் பாதுகாப்பு வலயத்திற்குள் பெயர் பலகை வைத்து சர்ச்சையை கிளப்பிய இராணுத்தினர்

பொருளாதார நெருக்கடி

தற்போதைய அரசின் பயணப் பாதை மற்றும் அதன் செயற்பாடுகள் குறித்து ஊடகவியலாளர்கள் கேள்வி எழுப்பிய போது, அதற்கு நாட்டு மக்களே மிக விரைவில் சரியான பதிலை வழங்குவார்கள் என்றும் நாமல் குறிப்பிட்டுள்ளார்.

நாங்கள் கிராமங்களுக்குச் செல்லும்போது மக்களின் உண்மையான விசனம் மற்றும் வாழ்வாதார நிலைமைகளை நேரில் காண்கின்றோம்.

நாட்டில் வாழ்க்கைச் செலவு வரலாறு காணாத வகையில் அதிகரித்துள்ளதால் சாதாரண மக்கள் மிகக் கடுமையான பொருளாதார நெருக்கடிகளை தினசரி எதிர்கொண்டுள்ளனர் என்றும் அவர் தெரிவித்துள்ளார்.

மேலும், நாட்டின் முதுகெலும்பாக விளங்கும் விவசாயிகள் மற்றும் சிறுதொழில் முயற்சியாளர்கள் இந்த அரசின் தன்னிச்சையான பொருளாதாரக் கொள்கைகளின் கீழ் முற்றிலுமாக நடுத்தெருவில் நிறுத்தப்பட்டுள்ளனர் என்றும், மக்களின் இந்த அத்தியாவசிய அவல நிலைக்குத் தற்போதைய அரசிடம் எந்தவிதமான தீர்வும் இருப்பதாகத் தெரியவில்லை என்றும் நாமல் கடுமையாகச் சாடியுள்ளார்.

திருகோணமலையில் மர்மமான முறையில் இறந்து கிடந்த காட்டு யானை - இன்று மீட்பு