அநுர ஆட்சியில் அரசியல் பழிவாங்கலுக்கு இடம் கிடையாது..! கந்தசாமி பிரபு பகிரங்கம்

கடந்த காலங்களிலே நீதிபதிகளைத் தங்களுக்குச் சார்பான தீர்ப்புகளை வழங்குமாறு பல அரசியல் அழுத்தங்கள் பிரயோகிக்கப்பட்டிருந்தன. ஆனால் இன்று எந்தவொரு அரசியல் அழுத்தமும் கிடையாது.

அத்துடன், அநுர அரசாங்கத்தில் நீதிபதிகள் சுதந்திரமான கட்டமைப்போடு செயல்பட்டுக் கொண்டிருக்கின்றார்கள். அதன் வெளிப்பாடுகள் தான் இன்று கைதுகளாக இடம்பெற்றுக் கொண்டிருக்கின்றன என மட்டக்களப்பு மாவட்ட நாடாளுமன்ற உறுப்பினர் கந்தசாமி பிரபு தெரிவித்துள்ளார்.

மட்டக்களப்பில் ஊடகங்களுக்கு கருத்து தெரிவிக்கும் போதே அவர் மேற்கண்டவாறு குறிப்பிட்டுள்ளார்.

அதிகாரத்தை பயன்படுத்தி தப்பிய அரசியல்வாதிகள்

அவர் மேலும் தெரிவிக்கையில்,

தற்போது இடம்பெற்றுக் கொண்டிருக்கின்ற கைதுகள் தொடர்பாக எதிர்க்கட்சியினர் பலவிதமான கருத்துக்களை மக்கள் மத்தியிலே குறிப்பிட்டுக் கொண்டிருக்கின்றார்கள்.

இந்த விசாரணைகள் தொடர்பாக இவர்கள் இதற்கு முன்னர் பல தடவைகள் விசாரணை அதிகாரிகளிடம் சென்று, தங்களது வாக்குமூலங்களைப் பதிவு செய்திருந்தார்கள். இது நேற்றோ அல்லது அதற்கு முந்தைய தினமோ இடம்பெற்ற விசாரணை கிடையாது.

மிக நீண்ட காலமாக இந்த விசாரணைகள் முன்னெடுக்கப்பட்டு வந்திருந்தன. ஆனால் இவர்கள் ஏதோ ஒரு காரணத்தை அல்லது தங்களது இருக்கின்ற அரசியல் பலத்தைப் பயன்படுத்திக் கொண்டு தப்பித்துக் கொண்டிருந்தார்கள். ஆனால் இன்று, இந்த சட்டங்கள் பொதுவானதாகவும் மக்களுக்கு சுயாதீனமாகவும் சுதந்திரமாகவும் செயல்படுகின்ற ஒரு சட்டக் கட்டமைப்பை நாங்கள் இன்று உருவாக்கியிருக்கின்றோம்.

பொலிஸார், சுயாதீனமாகத் தங்களது விசாரணைகளை முன்னெடுத்துக் கொண்டு வருகின்றார்கள். விசாரணை அதிகாரிகளுக்கு எந்தவொரு அழுத்தத்தையும் நாங்கள் பிரயோகிக்கவில்லை.

அரசியல் பழிவாங்கல் கிடையாது..

அரசியல் அழுத்தங்கள் இல்லாத ஒரு கட்டமைப்பை நாங்கள் உருவாக்கியிருக்கின்றோம். அரச அதிகாரிகள் தங்களது செயல்பாடுகளைச் சுதந்திரமாக இன்று செயல்படுத்திக் கொண்டிருக்கின்றார்கள்.

இதிலே நீதிப் பிரிவை நாங்கள் விசேடமாகக் குறிப்பிட வேண்டும். கடந்த காலங்களிலே நீதிபதிகளைத் தங்களுக்குச் சார்பான தீர்ப்புகளை வழங்குமாறு பல அரசியல் அழுத்தங்கள் பிரயோகிக்கப்பட்டிருந்தன. ஆனால் இன்று எந்தவொரு அரசியல் அழுத்தமும் கிடையாது. அவர்கள் நீதியாக, சுதந்திரமான கட்டமைப்போடு செயல்பட்டுக் கொண்டிருக்கின்றார்கள்.

இந்த விசாரணைகளை அவர்கள் விசாரித்து, அதன் வெளிப்பாடுகளைத் தான் இன்று கைதுகளாக இடம்பெற்றுக் கொண்டிருக்கின்றன. ஆகவே இதிலே எந்தவொரு அரசியல் பழிவாங்கலும் கிடையாது.

இந்தக்க கைதுகள் விசாரணை அடிப்படையிலேயே தான் இடம்பெற்றுக் கொண்டிருக்கின்றன. அது யாராக இருந்தாலும், எவராக இருந்தாலும், தங்களது ஊழலுக்கு எதிராக அவர்கள் மேற்கொண்ட அநீதிக்கு எதிரான விசாரணை சுயாதீனமாக, சுதந்திரமாக இடம்பெற்று அதற்கான தண்டனைகள் இப்போது வழங்கப்பட்டுக் கொண்டிருக்கின்றன என்றார். 

அனோஜன் விவகாரத்தில் அநுர தீவிரம் - நாளை வெளியாகும் வரலாற்று தீர்ப்பு!

பைடனை குறிவைத்து ட்ரம்ப் தீவிர பிரசாரம் - மீண்டும் அரசியல் களத்தில் பரபரப்பு