தலைமன்னார் கடற்பரப்பில் கைதான 8 இந்திய கடற்றொழிலாளர்களுக்கு விளக்கமறியல்

Indian fishermen Mannar Sri Lanka Navy

By Ashik Aug 27, 2024 09:38 AM GMT

Ashik

in குற்றம்

Report

இலங்கை கடற்பரப்பினுல் சட்ட விரோதமாக நுழைந்து கடற்றொழிலில் ஈடுபட்ட நிலையில் தலைமன்னாரில் கைது செய்யப்பட்ட இராமநாதபுரம் மாவட்டம் இராமேஸ்வரத்தை சேர்ந்த 8 கடற்றொழிலாளர்களையும் அடுத்த மாதம் 5 ஆம் திகதி வரை விளக்கமறியலில் வைக்க உத்தரவிடப்பட்டுள்ளது.

குறித்த உத்தரவினை இன்று (27.08.2024) மன்னார் நீதிமன்றம் பிறப்பித்துள்ளது.

மேலதிக விசாரணைகள்

இலங்கை கடற்பரப்பினுல் நேற்று (26) இரவு சட்ட விரோதமாக ஒரு விசைப் படகுடன் நுழைந்து கடற்றொழிலில் ஈடுபட்ட 8 கடற்றொழிலாளர்களையும் கடல் ரோந்து பணியில் ஈடுபட்ட கடற்படையினர் கைது செய்து தலைமன்னார் கடற்படையிடம் ஒப்படைத்தனர்.

தலைமன்னார் கடற்பரப்பில் கைதான 8 இந்திய கடற்றொழிலாளர்களுக்கு விளக்கமறியல் | Judge Orders Remand Of 8 Indian Fishermen

இந்நிலையில் தலைமன்னார் கடற்படையினர் கடற்றொழிலாளர்களிடம் முன்னெடுத்த விசாரணைகளை தொடர்ந்து இன்று (27) மதியம் மேலதிக நடவடிக்கைகளுக்காக மன்னார் மாவட்ட கடற்றொழில் நீரியல் வளத்துறை அதிகாரிகளிடம் ஒப்படைத்தனர்.

கடற்தொழில் திணைக்கள அதிகாரிகள் மேலதிக விசாரணைகளின் பின்னர் இன்று (27) மாலை மன்னார் நீதிமன்றத்தில் முன்னிலைப்படுத்தினர்.

இதன் போது விசாரணைகளை முன்னெடுத்த மன்னார் நீதவான் அவர்களை அடுத்த மாதம் 5 ஆம் திகதி வரை விளக்கமறியலில் வைக்க உத்தரவிட்டுள்ளார்.