பயங்கரவாத தடுப்பு பொலிஸாரால் நான்கரை மணி நேரம் விசாரிக்கப்பட்ட தமிழ் ஊடகவியலாளர்

CID - Sri Lanka Police Sri Lanka Police Investigation Journalists In Sri Lanka

By Rakesh Nov 01, 2023 10:54 PM GMT

Rakesh

in குற்றம்

Report

பத்திரிகையொன்றில் 2020ஆம் ஆண்டு வெளியான செய்திகள் மற்றும் ஒளிப்படம் தொடர்பாக குறித்த பத்திரிகை செய்தி ஆசிரியரிடம் பயங்கரவாதத் தடுப்பு மற்றும் விசாரணைப் பிரிவினர் நேற்று (01.11.2023) வாக்குமூலம் பதிவு செய்துள்ளனர்.

2020ஆம் ஆண்டு நவம்பர் மாதம் 26ஆம் திகதி குறித்த பத்திரிகையில் தமிழீழ விடுதலைப் புலிகள் அமைப்பின் தலைவர் வே.பிரபாகரனின் பிறந்தநாள் தொடர்பான செய்தியும், ஒளிப்படமும் வெளியாகியிருந்தது.

வழக்குத் தாக்கல்

அது தொடர்பாகவும், அன்றைய தினம் வெளியாகியிருந்த தமிழ்த் தேசியக் கட்சி மாவீரர் நாள் நினைவேந்தலுக்கு அழைப்பு விடுத்திருந்த செய்தி தொடர்பாகவுமே வாக்குமூலம் பெறப்பட்டுள்ளது.

பயங்கரவாத தடுப்பு பொலிஸாரால் நான்கரை மணி நேரம் விசாரிக்கப்பட்ட தமிழ் ஊடகவியலாளர் | Journalist Questioned By Anti Terrorist Police

குறித்த பத்திரிகை செய்தி ஆசிரியர் கொழும்பில் உள்ள பயங்கரவாதத் தடுப்பு மற்றும் விசாரணைப் பிரிவுக்கு நேற்று அழைக்கப்பட்டு காலை 9 மணி முதல் மதியம் 1.30 மணிவரை வாக்குமூலம் பெறப்பட்டுள்ளது.

தமிழீழ விடுதலைப் புலிகள் அமைப்பின் தலைவரின் பிறந்தநாள் செய்தி மற்றும் ஒளிப்படம் தொடர்பில் குறித்த பத்திரிகைக்கு எதிராக யாழ்ப்பாணம் பொலிஸாரால் முன்னர் நீதிமன்றில் வழக்குத் தாக்கல் செய்யப்பட்டிருந்தமையும் குறிப்பிடத்தக்கது.