லங்காசிறி FM
யாழ். சிறையில் உள்ள தமிழக கடற்றொழிலாளர்களை சந்தித்த ஜீவன் தொண்டமான்
யாழ். சிறைச்சாலையில் தடுத்து வைக்கப்பட்டுள்ள 43 தமிழக கடற்றொழிலாளர்களை இலங்கை தொழிலாளர் காங்கிரஸின் பொதுச்செயலாளரும், நீர்வழங்கல் மற்றும் தோட்ட உட்கட்டமைப்பு அபிவிருத்தி அமைச்சருமான ஜீவன் தொண்டமான் நேரில் சென்று சந்தித்துள்ளார்.
குறித்த சந்திப்பில் கடற்றொழிலாளர் பிரச்சினைக்கு விரைவில் நிலையானதொரு தீர்வை காணுமாறு இந்திய அரசிடமும், ஜனாதிபதி ரணில் விக்ரமசிங்கவிடமும் கோரிக்கை விடுத்துள்ளோம் என அவர் தெரிவித்துள்ளார்.
இலங்கை அரசு
இந்த சந்திப்பின் பின்னர் செய்தியாளர்களிடம் கருத்து வெளியிட்ட அமைச்சர், யாழ்ப்பாணம் சிறையில் உள்ள 43 தமிழக கடற்றொழிலாளர்களை சந்தித்தேன்.
அவர்கள் ஏன்
கைது செய்யப்பட்டுள்ளனர் என்பது பற்றி எடுத்து கூறினேன். அவர்களும் அதனை
ஏற்றுக்கொண்டனர்.
எனினும், 43 கடற்றொழிலாளர்களில் இருவர் கடத்தல் சம்பவத்துடன் தொடர்புபட்டுள்ளனர். ஏனைய 41 கடற்றொழிலாளர்களுக்கும் இலங்கை அரசு மூலமாக அல்லது, எம்மால் முடிந்த உதவிகளை நிச்சயம் செய்வோம்.
இன்னும் இரண்டு அல்லது மூன்று வாரங்களுக்குள் கடற்றொழிலாளர்கள் விடுதலை செய்யப்படுவார்கள் என நம்புகின்றேன். இலங்கை பொலிஸார் தம்மை நன்றாக நடத்துகின்றனர் என கடற்றொழிலாளர்கள் தெரிவித்தனர்.
கடல்சார் சட்டங்கள்
இருப்பினும், வடக்கில் உள்ள கடற்றொழிலாளர்களும் தமிழர்கள், போரால் பாதிக்கப்பட்டவர்கள், சிறிய படகுகளை வைத்துக் கொண்டுதான் தமது வாழ்க்கையை கொண்டு நடத்துகின்றனர்.
அவர்களின் வாழ்வாதாரம் பாதிக்கப்படக்கூடாது. தமிழக கடற்றொழிலாளர்கள் றோலர் படகுகளைப் பயன்படுத்தி அதிகளவான மீன்களை பிடிக்கின்றனர், இதனால் இலங்கை கடல் வளமும் சேதமடைகின்றது. இந்த செயல் கடல்சார் சட்டங்களையும் மீறும் செயலாகும்.
கடற்றொழிலாளர்களது பிரச்சினைக்கு விரைவில் தீர்வு காணுமாறு இந்திய அரசிடமும், இலங்கை ஜனாதிபதியிடமும் நாம் கோரிக்கை முன்வைத்துள்ளோம் என்றும் அமைச்சர் ஜீவன் தொண்டமான் தெரிவித்தார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அநுரவும், தையிட்டி விகாரையும் தம்மதீபக் கோட்பாடும் 3 மணி நேரம் முன்
கொக்குவில் கிழக்கு, Dortmund, Germany, London, United Kingdom
16 Feb, 2025
யாழ்ப்பாணம், புங்குடுதீவு 8ம் வட்டாரம், Le Blanc-Mesnil, France
06 Feb, 2025
யாழ் கச்சேரியடி, Jaffna, Guelph, Canada
02 Mar, 2024
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
வேலணை 6ம் வட்டாரம், மட்டக்களப்பு, கண்டி, புரூணை, Brunei
17 Feb, 2024
