ஹோர்முஸ் நீரிணை முடங்கினால் இலங்கைக்கு எரிபொருள் கிடைக்குமா! விநியோக சங்கிலி குறித்து எச்சரிக்கை

Sajith Premadasa Iran-Israel Cold War Iran-Israel War Israel-Iran conflict

By Rakesh Mar 04, 2026 01:34 PM GMT

Rakesh

in அரசியல்

Report

மத்திய கிழக்கு பிராந்தியத்தில் ஏற்பட்டுள்ள பாதுகாப்பு ஸ்திரமின்மை, இலங்கையின் தேசிய பாதுகாப்பு மற்றும் பொருளாதாரத்தில் நேரடித் தாக்கத்தை ஏற்படுத்தும் எதிர்க்கட்சித் தலைவர் சஜித் பிரேமதாஸ இன்று நாடாளுமன்றத்தில் சுட்டிக்காட்டியுள்ளார்.

"மத்திய கிழக்கின் பல்வேறு நாடுகளில் (சவூதி, ஐக்கிய அரபு அமீரகம், கட்டார், குவைத், ஓமான், பஹ்ரைன், இஸ்ரேல், லெபனான்) பணிபுரியும் இலங்கையர்களின் துல்லியமான எண்ணிக்கை எவ்வளவு?

விமான போக்குவரத்து மாற்று வழிமுறைகள்

போர் உக்கிரமடைந்தால், அவர்களைப் பாதுகாப்பாக வெளியேற்ற விசேட விமான போக்குவரத்து அல்லது மாற்று வழிமுறைகள் தயார் நிலையில் உள்ளனவா?

தூதரகங்களில் 24 மணிநேர அவசர தொடர்பு சேவைகள் மற்றும் தங்குமிடம், மருத்துவ வசதி வழங்கும் அலகுகள் உள்ளனவா?

ஹோர்முஸ் நீரிணை முடங்கினால் இலங்கைக்கு எரிபொருள் கிடைக்குமா! விநியோக சங்கிலி குறித்து எச்சரிக்கை | Isreal Us War Iran Attack Fuel Crisis Sajith

ஹோர்முஸ் நீரிணை கடல்வழிப் பாதை பாதிக்கப்பட்டால், இலங்கைக்கான கச்சா எண்ணெய் மற்றும் சுத்திகரிக்கப்பட்ட எரிபொருள் விநியோகத்தை உறுதி செய்ய மாற்று வழிகள் என்ன?

உலகச் சந்தையில் எரிபொருள் விலை உயர்வால் ஏற்படக்கூடிய பொருளாதாரத் தாக்கத்தை முகாமைத்துவம் செய்ய பிற எண்ணெய் உற்பத்தி நாடுகளுடன் பேச்சு நடத்தப்பட்டுள்ளதா?

வான்பரப்பு மூடல்

வான்பரப்பு மூடப்பட்டதால் வெளிநாட்டு விமான நிலையங்களில் சிக்கியுள்ள இலங்கையர்களின் பாதுகாப்புக்கு எடுக்கப்பட்ட நடவடிக்கைகள் யாவை?

சர்வதேச சிவில் விமானப் போக்குவரத்து அமைப்புடன் இணைந்து மேற்கொள்ளப்பட்டுள்ள மாற்று ஏற்பாடுகள் என்ன? வெளிநாடுகளில் இருந்து வரும் அந்நியச் செலாவணி குறையும் அபாயம் உள்ளதா? அதனைத் தடுக்க அரசு வகுத்துள்ள திட்டம் யாது?

தேயிலை ஏற்றுமதி மற்றும் கப்பல் போக்குவரத்துக்கான காப்புறுதி அதிகரிப்பால் ஏற்படும் பாதிப்புகளை அரசு எவ்வாறு கையாளப் போகின்றது?" - என்று அரசிடம் எதிர்க்கட்சித் தலைவர் சஜித் பிரேமதாஸ வினவினார்.

சிங்கப்பூர் மற்றும் இந்தியாவிலிருந்து நாம் எரிபொருளைப் பெற்றாலும், அந்த நாடுகளுக்கே ஹோர்முஸ் ஜலசந்தி வழியாகத்தான் கச்சா எண்ணெய் செல்கின்றது என்பதைச் சுட்டிக்காட்டிய சஜித் பிரேமதாஸ, இந்த விநியோகச் சங்கிலி குறித்த பூரண தெளிவுடன் அரசு செயற்பட வேண்டும் என்றும் வலியுறுத்தினார்.