லங்காசிறி FM
பாலஸ்தீன மக்கள் மீதான தாக்குதலை கண்டித்து மட்டக்களப்பில் பாரிய ஆர்ப்பாட்டம்(Photos)
பாலஸ்தீனத்திலும், காசா பகுதியிலும் இஸ்ரேல் மேற்கொள்ளும் தாக்குதல்களையும் போர்க் குற்றங்களையும் கண்டித்தும் போர் நிறுத்தம் வேண்டும் என்று வலியுறுத்தியும் மட்டக்களப்பில் பாரிய ஆர்ப்பாட்டமொன்று முன்னெடுக்கப்பட்டுள்ளது.
குறித்த ஆர்ப்பாட்டம் இன்று (03.11.2023) மட்டக்களப்பு - கொழும்பு பிரதான வீதியை மறித்து ஏறாவூர் நகரில் முன்னெடுக்கப்பட்டிருந்தது.
மட்டக்களப்பு நாடாளுமன்ற உறுப்பினர் அலிஸாஹிர் மௌலானா தலைமையில் இடம்பெற்ற இந்த கண்டன எதிர்ப்புப் பேரணியில் நூற்றுக் கணக்கானோர் கலந்து கொண்டுள்ளனர்.
ஐக்கிய நாடுகள் சபைக்கு கோரிக்கை
பேரணியின் இறுதியில் பாலஸ்தீனப் பொதுமக்கள் சிறுவர்கள், நோயாளிகள், பெண்கள் ஆகியோர் மீது இஸ்ரேல் மேற்கொள்ளும் அட்டூழியங்களும் போர்க் குற்றங்களும் கண்டிக்கப்பட வேண்டும் என கோரி கறுப்புக் கொடிகள் கட்டப்பட்டன.
அத்தோடு பாலஸ்தீன நாட்டின் சுதந்திரத்தை உறுதி செய்து இஸ்ரேலை வெளியேற்ற ஐக்கிய நாடுகள் சபையை கோருவதற்காக கையெழுத்து சேகரிப்பும் இடம்பெற்றுள்ளது.
கிண்ணியா போராட்டம்
மேலும், இஸ்ரேலினால் மேற்கொள்ளப்படும் பாலஸ்தீன மக்கள் மீதான தாக்குதலை நிறுத்துமாறு கோரிக்கை விடுக்கும் மக்கள் எழுச்சிப் போராட்டம் கிண்ணியா நகர சபை மைதானத்தில் நடைபெற்றுள்ளது.
கிண்ணியா பொதுமக்கள் இணைந்து இன்று (03.11.2023) முன்னெடுத்திருந்த போராட்டத்தில் ஆயிரக்கணக்கான மக்கள் கலந்துகொண்டுள்ளனர்.
இந் நிகழ்வில் பாலஸ்தீன மக்கள் படுகின்ற இன்னல்கள் குறித்து விளக்கமளிக்கப் பட்டதோடு அவர்களுக்காக பிரார்த்தனையும் செய்யப்பட்டு கண்டனக் குரல்களும் எழுப்பப்பட்டன.
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
பிச்சைக்கார குடும்பத்தின் ஆடம்பர கொண்டாட்டம்: 20,000 பேருக்கு பரிமாறப்பட்ட அசைவ விருந்து! News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
