ஈரான் மீதான இஸ்ரேலின் அதிரடி தாக்குதல்! பல மாதங்களாக குறிவைத்து தீட்டப்பட்ட இரகசிய திட்டம்

United States of America Israel Iran

By Dhayani Feb 28, 2026 09:38 AM GMT

Dhayani

in உலகம்

Report

அமெரிக்காவும் இஸ்ரேலும் ஈரான் மீது சற்றுமுன்னர் ஆரம்பித்துள்ள தாக்குதல் மத்திய கிழக்கில் உச்ச கட்ட போர் பதற்றத்தை ஏற்படுத்தியுள்ளது.

ஈரான் மீதான வான்வழித் தாக்குதலைத் தீவிரப்படுத்தியுள்ள இஸ்ரேல், அந்நாட்டு அதிபரின் அதிகாரப்பூர்வ இல்லம் மற்றும் முக்கிய உளவுத்துறை அலுவலகங்கள் உட்பட 30 இடங்களைத் துல்லியமாகத் தாக்கி அழித்துள்ளதாகத் தகவல்கள் தெரிவிக்கின்றன.

அவசரகால நிலை உடனடியாக அறிவிப்பு

இஸ்ரேலிய பாதுகாப்பு அமைச்சர் இஸ்ரேல் முழுவதும் அவசரகால நிலையை உடனடியாக அறிவித்துள்ளார்.

ஈரான் மீதான இஸ்ரேலின் அதிரடி தாக்குதல்! பல மாதங்களாக குறிவைத்து தீட்டப்பட்ட இரகசிய திட்டம் | Iranian President Safe Amid Attacks

இஸ்ரேலிய பாதுகாப்பு படைகள் (IDF) பொதுமக்கள் வெடிகுண்டு முகாம்களுக்கு அருகில் இருக்கவும் தேவையற்ற பயணங்களைத் தவிர்க்கவும் அறிவுறுத்தியுள்ளன,

மேலும் பாடசாலைகள் மற்றும் பிற கல்வி நிறுவனங்கள் தற்காலிகமாக மூடப்பட்டுள்ளன.

இரகசிய திட்டம்

ஈரான் மீதான இஸ்ரேலிய தாக்குதல் பல மாதங்களாக வாஷிங்டனுடன் நெருக்கமான ஒருங்கிணைப்பில் திட்டமிடப்பட்டதாக இஸ்ரேலிய பாதுகாப்பு அதிகாரியை மேற்கோள் செய்தி வெளியாகியுள்ளது.

இந்த தாக்குதலுக்கான திகதி பல வாரங்களுக்கு முன்பே முடிவு செய்யப்பட்டதாகவும் தெரிவிக்கப்பட்டுள்ளது.

அதன்படி, இந்த நடவடிக்கை அவசரகால நடவடிக்கை அல்ல, மாறாக ஈரானின் அணுசக்தி மற்றும் இராணுவ மையங்களை குறிவைத்து இஸ்ரேல் மற்றும் அமெரிக்க அதிகாரிகளால் பல மாதங்களாக தயாரிக்கப்பட்டது.

இந்த தாக்குதலுக்குத் தேவையான திட்டமிடல் மற்றும் ஒருங்கிணைப்பு அமெரிக்க அரசாங்கத்தின் முழு அறிவு மற்றும் ஆதரவுடன் நடந்ததாகவும் தெரிவிக்கப்பட்டுள்ளது.