லங்காசிறி FM
இம்ரான் கானை அரசு மருத்துவமனையில் பரிசோதித்ததற்கு எதிராக மனு: பாகிஸ்தான் அரசு மீது பி.டி.ஐ. வழக்கு
பாகிஸ்தான் முன்னாள் பிரதமர் இம்ரான் கானை உச்சநீதிமன்றம் உத்தரவிட்டவாறு தனியார் மருத்துவமனைக்கு கொண்டு செல்லாமல், அரசு மருத்துவமனைக்கு அழைத்துச் சென்றமைக்காக பாகிஸ்தான் அரசாங்கத்திற்கு எதிராக அவரது பாகிஸ்தான் தெஹ்ரீக்-ஏ-இன்சாப் (பி.டி.ஐ.) கட்சி நீதிமன்ற அவமதிப்பு மனுவைத் தாக்கல் செய்துள்ளது.
இம்ரான் கானின் உடல்நிலை மோசமடைந்து வருவது குறித்து தொடர்ச்சியாக கவலைகள் வெளியிடப்பட்டதைத் தொடர்ந்து, அவரை இஸ்லாமாபாத்தில் உள்ள தனியார் ஷிஃபா சர்வதேச மருத்துவமனைக்கு மாற்றி மருத்துவப் பரிசோதனைகளை மேற்கொள்ளுமாறு மூன்று நீதிபதிகள் கொண்ட அமர்வு அரசாங்கத்திற்கு உத்தரவிட்டிருந்தது.
அனுமதி மறுப்பு
எனினும், அதிகாரிகள் அவரை வெள்ளிக்கிழமை இஸ்லாமாபாத்தில் உள்ள அரசுக்கு சொந்தமான பாகிஸ்தான் மருத்துவ அறிவியல் கழகத்திற்கு (PIMS) அழைத்துச் சென்று குறுகிய நேரப் பரிசோதனையின் பின்னர் மீண்டும் சிறையில் அடைத்துள்ளனர்.
அத்துடன், அவரது தனிப்பட்ட மருத்துவருக்கு அவரைச் சந்திக்க அனுமதி மறுக்கப்பட்டுள்ளதாகவும் தெரிவிக்கப்படுகின்றது.
அரசாங்கத்தின் இந்நடவடிக்கையானது நீதிமன்ற உத்தரவை மீறும் செயல் எனக் குறிப்பிட்டுள்ள பி.டி.ஐ. கட்சி, பிரதமர், சட்ட அமைச்சர் மற்றும் செய்தித் துறை அமைச்சர் உள்ளிட்ட அரசு அதிகாரிகளுக்கு எதிராக நடவடிக்கை எடுக்குமாறு கோரி இந்த அவமதிப்பு மனுவைத் தாக்கல் செய்துள்ளது.
பாதுகாப்பு அச்சுறுத்தல்கள் காரணமாகவே அவர் தனியார் மருத்துவமனைக்கு பதிலாக அரசு மருத்துவமனைக்கு அழைத்துச் செல்லப்பட்டதாக பாகிஸ்தான் செய்தித் துறை அமைச்சர் அத்தாவுல்லா தாரார் விளக்கம் அளித்துள்ளார்.
எனினும், சிறையில் தனது சகோதரர் தொடர்ச்சியாக சித்திரவதைக்கு உள்ளாக்கப்படுவதாக இம்ரான் கானின் சகோதரி உஸ்மா கான் குற்றம் சாட்டியுள்ளார்.
இந்து சமுத்திரம் லங்கா சமுத்திரமாக மாறுமா..! 5 நாட்கள் முன்
மானிப்பாய், சுண்டிக்குளி, Toronto, Canada, New Jersey, United States
17 Aug, 2026
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
Columbuthurai, கொழும்பு, ஸ்கந்தபுரம், London, United Kingdom
09 Aug, 2026
இளவாலை இலங்கை ,லண்டன், United Kingdom, அவுஸ்திரேலியா, Australia
23 Aug, 2016
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
உசன், முரசுமோட்டை, Urumpirai, பிரித்தானியா, United Kingdom
15 Aug, 2026