தேசிய கல்வியியற் கல்லூரியில் பயிற்சி பெற்ற ஆசிரியர்கள் விடுத்துள்ள கோரிக்கை: கல்வி அமைச்சு மறுப்பு

Ministry of Education Sri Lanka Ceylon Teachers Service Union

By Dhayani Jan 02, 2024 02:06 AM GMT

Dhayani

in சமூகம்

Report

தேசிய கல்வியியற் கல்லூரியில் பயிற்சியை நிறைவு செய்த சில ஆசிரியர்கள் அமைச்சுடன் தற்போதுள்ள ஒப்பந்தத்தில் இருந்து விலகிச்செல்ல அனுமதிக்குமாறு கோரிக்கை விடுத்துள்ளனர்.

எவ்வாறாயினும், கல்வி அமைச்சு இதற்கு அனுமதி வழங்கப்பட முடியாது என தீர்மானித்துள்ளது.

இவ்வாறான அனுமதிகள் தவறான முன்னுதாரணங்களை ஏற்படுத்துவதால் கல்வி அமைச்சு இந்த தீர்மானத்தை எடுத்துள்ளதாக தெரிவிக்கப்படுகின்றது.

தேசிய கல்வியியற் கல்லூரியில் பயிற்சி பெற்ற ஆசிரியர்கள் விடுத்துள்ள கோரிக்கை: கல்வி அமைச்சு மறுப்பு | Important Announcement Education Department

ஒப்பந்தத்திலிருந்து வெளியேறுதல்

வாய்ப்பு கிடைத்தால், பயிற்சி பெற்ற ஆசிரியர்கள் அதிக அளவில் ஒப்பந்தத்தில் இருந்து வெளியேறுவதை தவிர்க்க முடியாது எனவும் அமைச்சகத்தின் மூத்த அதிகாரி ஒருவர் தெரிவித்துள்ளார்.

இது குறித்து அவர் மேலும் தெரிவிக்கையில்,

அதன்படி தற்போதுள்ள சட்டத்தின்படி அரச பாடசாலைகளில் பயிற்சி பெற்ற ஆசிரியர்கள் பணியாற்ற வேண்டும் என்ற ஒப்பந்தத்தை மீளப்பெற அமைச்சகம் முப்பத்தைந்தாயிரம் ரூபாய் மட்டுமே செலுத்த வேண்டும்.

1985 ஆம் ஆண்டு வித்யாபீடம் நிறுவப்பட்டதிலிருந்து அதாவது 33 ஆண்டுகளுக்கு முன்பு இந்தத் தொகை அனுமதிக்கப்பட்டுள்ளது.

ஆனால், தற்போது இது மிகக் குறைந்த தொகை என்பதால், பயிற்சி பெற்ற ஆசிரியர்கள் வெளிநாடு செல்வது, தனியார் பாடசாலைகளில் சேருவது போன்ற தனிப்பட்ட தேவைகளுக்காக ஒப்பந்தத்தில் இருந்து விலகும் நிலை ஏற்பட்டுள்ளது.

அமைச்சின் பல சுற்று பேச்சுவார்த்தைகள்

அதன் பிரகாரம் ஏழு இலட்சம் ரூபாவாக அதிகரிப்பது தொடர்பில் அமைச்சு பல சுற்று பேச்சுவார்த்தைகளை நடத்திய போதிலும் குறிப்பிட்ட தீர்மானம் எதுவும் எடுக்கப்படவில்லை.

ஆனால், அதுபற்றி விரைந்து முடிவெடுக்க வேண்டியது கட்டாயம் என்றும் அதிகாரி குறிப்பிட்டுள்ளார்.

மேலும் தற்போது உள்ள குறைந்த தொகையை பயன்படுத்தி ஒப்பந்தத்தில் இருந்து விலக ஆசிரியர்கள் அனுமதிக்கப்பட கூடாது என்றும் தெரிவித்துள்ளார்.