லங்காசிறி FM
அன்பு மகளே...!! இசைஞானி இளையராஜாவின் உருக்கமான பதிவு
இசைஞானி இளையராஜாவின் மகளும் பாடகியுமான பவதாரணி உடல் நலக்குறைவால் நேற்றையதினம் உயிரிழந்துள்ள நிலையில் திரைப்பிரபலங்கள் மற்றும் தமிழக அரசியல்வாதிகள் உள்ளிட்ட பலரும் தற்போது இரங்கல் தெரிவித்து வருகின்றனர்.
அன்பு மகளே....
இந்த நிலையில், சிறு வயதில் தன்னுடைய மகள் பவதாரணி தன்னுடன் இருக்கும் புகைப்படத்தை அன்பு மகளே.. என தெரிவித்து முகப் புத்தகத்தில் பகிர்ந்துள்ளார்.
இதற்கு இசைஞானி இளையராஜா மற்றும் பாடகி பவதாரணி ஆகியோரின் இரசிகர்கள் தங்களது வருத்தத்தினை வெளியிட்டு வருகின்றனர்.
இளையராஜாவின் மகள் பாடகி பவதாரணி புற்றுநோயால் பாதிக்கப்பட்டு கொழும்பில் உள்ள தனியார் வைத்தியசாலையில் அனுமதிக்கப்பட்டிருந்த நிலையில் சிகிச்சைப் பலனின்றி நேற்று மாலை திடீரென உயிரிழந்தார்.
இதேவேளை, இசை நிகழ்ச்சிக்காக இலங்கைக்கு வருகைத் தந்திருந்த இசைஞானி இளையராஜா உடனடியாக கொழும்பில் உள்ள தனியார் வைத்தியசாலைக்கு விரைந்ததுடன், அதன் பின்னர் பவதாரணியின் உடல் கொழும்பில் உள்ள மலர் சாலையில் வைக்கப்பட்டிருந்தது.
மேலும், இசைஞானி இளையராஜாவின் மகனும் இசையமைப்பாளருமான யுவன் சங்கர் ராஜா உள்ளிட்ட குடும்பத்தினர் இன்று காலை கொழும்பு நோக்கி வருகைத் தந்திருந்தனர்.
அதன் பின்னர் பவதாரணியின் உடல் விமானம் மூலம் சென்னைக்கு கொண்டு செல்லப்பட்டு அங்கு தியாகராய நகரில் உள்ள வீட்டில் பொதுமக்கள் அஞ்சலிக்காக தற்போது வைக்கப்பட்டுள்ளது.
பெருமளவிலான திரைப்பிரபலங்கள் மற்றும் பொதுமக்கள் என பலரும் இறுதி அஞ்சலி செலுத்தி வருகின்றனர்.
மேலும், மிக முக்கிய திரைப் பிரபலங்கள் தங்களது அனுதாபங்களை சமூக வலைத்தளங்களின் ஊடாக பகிர்ந்து கொண்டுள்ளனர்
இந்த நிலையில், இசையமைப்பாளர் ஏ.ஆர்.ரஹ்மான் டுவிட்டர் தளத்தில் தனது இரங்கலை வெளியிட்டுள்ளார். அதில், "மயிலிறகாய்த் தமிழர் மனதையெல்லாம் வருடிய பவதாரிணியின் மதுரமான குரல் இன்றும் ஆகாயத்தில் மலர்கிறது. காற்றெல்லாம் தீரா அதிர்வெழுப்பிக் ககனவெளியெங்கும் கதிரொளியாய் விரிகிறது" என பதிவிட்டிருந்தார்.
ரஹ்மான் உள்ளிட்ட மேலும் பலரும் தமது அனுதாபங்களை வெளியிட்டு வருகின்றனர்.
#ripbhavatharini மயிலிறகாய்த் தமிழர் மனதையெல்லாம் வருடிய பவதாரிணியின் மதுரமான குரல்
— A.R.Rahman (@arrahman) January 26, 2024
இன்றும் ஆகாயத்தில் மலர்கிறது.
காற்றெல்லாம் தீரா அதிர்வெழுப்பிக்
ககனவெளியெங்கும் கதிரொளியாய் விரிகிறது.
இசைஞானி இளையராஜா, யுவன் சங்கர் ராஜா, கார்த்திக் ராஜா
Our hearts are with you in this time of…
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
உரிமைகளுக்காக மீண்டும் மீண்டும் போராடும் ஈழத்தமிழர்களின் நிலை.. 19 மணி நேரம் முன்
புங்குடுதீவு 3ம் வட்டாரம், புங்குடுதீவு 12ம் வட்டாரம், Toronto, Canada
01 Jan, 2026
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
புங்குடுதீவு 12ம் வட்டாரம், மாவிட்டபுரம், கிளிநொச்சி, Toronto, Canada
26 Dec, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025