ஈரான் முழுவதும் பலத்த பாதுகாப்பு! பின்னணியில் சிக்கிய இரகசிய உளவு வலையமைப்பு

ஈரான் மீது இஸ்ரேல் மற்றும் அமெரிக்க போர் விமானங்கள் தொடர் தாக்குதல்களை நடத்தி வரும் சூழலில், அந்நாட்டுப் பாதுகாப்புப் படைகள் ஒரு மிகப்பெரிய உளவு வலையமைப்பைக் கண்டறிந்துள்ளதாக அறிவித்துள்ளன.

ஈரானிய பொலிஸ் தலைவர் அகமதுரேசா ரதன் வெளியிட்டுள்ள தகவலின்படி, எதிரி நாடுகளுக்கு இரகசியத் தகவல்களைப் பகிர்ந்து கொண்டதாகக் குற்றம் சாட்டப்பட்டு நாடு முழுவதும் சுமார் 500 பேர் கைது செய்யப்பட்டுள்ளனர்.

சற்றுமுன்னர் இலஞ்ச ஊழல் ஆணைக்குழுவிலிருந்து வெளியேறிய கோட்டாபய ராஜபக்ச

இலக்குகள் அடையாளம் 

இதில் பாதிக்கும் மேற்பட்டோர், தாக்குதலுக்கு உள்ளாக வேண்டிய இலக்குகளை அடையாளம் காட்டியது மற்றும் தாக்குதலுக்குப் பிந்தைய இடங்களைப் புகைப்படம் எடுத்து இஸ்ரேலிய உளவு அமைப்புகளுக்கு அனுப்பியது போன்ற தீவிரமான குற்றச்சாட்டுகளுக்கு உள்ளாகியுள்ளனர்.

குறிப்பாக, ஈரானின் வடமேற்குப் பகுதியில் இராணுவ நிலைகள் குறித்த தகவல்களைப் பகிர்ந்த 20 பேரும், இதுவரை தாக்குதலுக்கு உள்ளாகாத வடகிழக்கு மாகாணங்களில் பொருளாதாரக் கட்டமைப்புகளை உளவு பார்த்த 10 பேரும் கைது செய்யப்பட்டுள்ளனர்.

இந்தக் கைது நடவடிக்கைகள் குறித்து கருத்து தெரிவித்துள்ள ஈரானிய புரட்சிகர காவல்படையின் உளவுப்பிரிவு, இஸ்ரேல் மற்றும் அமெரிக்கா ஆகிய நாடுகள் ஈரானுக்குள் ஊடுருவ முயற்சிப்பதோடு, உள்நாட்டில் கலவரங்களைத் தூண்டிவிட உளவாளிகளைப் பயன்படுத்துவதாகக் குற்றம் சாட்டியுள்ளது.

குறிவைத்து தாக்குதல்கள்

இஸ்ரேல் தற்போது ஈரானுக்குள் இருக்கும் தகவல்தொழில்நுட்ப வல்லுநர்கள் மற்றும் உளவாளிகளின் உதவியுடன் பாதுகாப்புச் சாவடிகளைக் குறிவைத்துத் தாக்குதல்களை நடத்தி வருவதாகக் கூறப்படுகிறது.

கடந்த ஜனவரி மாதம் ஈரானில் வெடித்த மிகப்பெரிய அரசு எதிர்ப்புப் போராட்டங்களின் பின்னணியிலும் வெளிநாட்டுச் சக்திகள் இருப்பதாக ஈரான் தொடர்ந்து கூறி வருகிறது.

தற்போது நிலவும் போர்ச் சூழலைப் பயன்படுத்தி மீண்டும் ஒரு உள்நாட்டுக் குழப்பத்தை ஏற்படுத்த இஸ்ரேல் முயல்வதாக ஈரான் கருதுகிறது. இதனால் நாடு முழுவதும் பாதுகாப்பு மற்றும் கண்காணிப்பு தீவிரப்படுத்தப்பட்டுள்ளது.

வான்பரப்பை அவசரமாக மூடிய ஐக்கிய அரபு இராஜ்ஜியம்! நடுவானில் சுட்டுவீழ்த்தப்படும் ட்ரோன்கள்

ஞாயிற்றுக்கிழமை புதுப்பிக்கப்படும் எரிபொருள் QR குறியீடு! பொதுமக்களுக்கு முக்கிய அறிவுறுத்தல்