லங்காசிறி FM
அரச சேவையில் ஏற்பட்டுள்ள மாற்றம்
டிஜிட்டல் தொழில்நுட்பத்தின் மூலம் அரச சேவையில் மனிதவள நிர்வாகத்தை புதுப்பித்து நெறிப்படுத்தும் ஒரு திட்டமாக GovHR அமைப்பு அதிகாரப்பூர்வமாக தொடங்கப்பட்டுள்ளது.
இதற்கு பொது நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபயரத்ன தலைமை தாங்கியுள்ளார்.
டிஜிட்டல் அமைப்பின் நோக்கம்
சமீபத்தில் தொடங்கப்பட்ட இந்த அமைப்பு, டிஜிட்டல் தொழில்நுட்பத்தின் மூலம் அரச நிறுவனங்களில் பணிபுரியும் அனைத்துப் அரச ஊழியர்களின் தகவல், சேவை மேலாண்மை மற்றும் மனிதவள நிர்வாகச் செயல்பாடுகளை நெறிப்படுத்தும் என்று பொது நிர்வாக அமைச்சு தெரிவித்துள்ளது.
பாரம்பரிய காகித அடிப்படையிலான அமைப்புகளால் ஏற்படும் தாமதங்களையும் செயல்திறன் குறைபாடுகளையும் குறைத்து, ஆட்சேர்ப்பு, நிரந்தர நியமனம், பதவி உயர்வு, இடமாற்றம், உள்ளூர் மற்றும் வெளிநாட்டுப் பயிற்சி முதல் குறைதீர்ப்பு மேலாண்மை, செயல்திறன் மதிப்பீடு மற்றும் ஓய்வு வரை அரச ஊழியர்களின் முழு மனிதவள செயல்முறையையும் ஒரே மையப்படுத்தப்பட்ட டிஜிட்டல் அமைப்பின் கீழ் கொண்டு வருவதே இதன் நோக்கம் என்று அமைச்சு கூறியுள்ளது.
இதனை தொடர்புடைய அரசாங்க நிறுவனங்களுடன் நேரடியாக இணைப்பதற்கான நடவடிக்கைகள் எடுக்கப்பட்டுள்ளதாகவும் அமைச்சு சுட்டிக்காட்டியுள்ளது.
இந்த அமைப்பு, முழு அரச சேவையிலும் வெளிப்படைத்தன்மை, செயல்திறன் மற்றும் பொறுப்புக்கூறலை உறுதி செய்யும் என்றும், நிறுவன மற்றும் தேசிய கொள்கை முடிவுகளை எடுப்பதில் துல்லியமான தரவுகளின் அடிப்படையில் ஒரு பின்னணியை உருவாக்கும் என்றும் அமைச்சு மேலும் கூறியுள்ளது.
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
