13ஆவது திருத்தத்தை முடக்கிவைத்து தேர்தலை இழுத்தடிக்கின்றதா அரசு..! ரஞ்சித் மத்தும பண்டார கடும் சாடல்

13th amendment R M Ranjith Madduma Bandara NPP Government

By Rakesh Oct 13, 2026 11:02 AM GMT

Rakesh

in அரசியல்

Report

மாகாண சபைத் தேர்தலை உடனடியாக நடத்துவதற்குத் தேவையான அனைத்து நடவடிக்கைகளையும் தொடர்ச்சியாக முன்னெடுப்போம் என்று ஐக்கிய மக்கள் சக்தியின் பொதுச்செயலாளர் ரஞ்சித் மத்தும பண்டார எம்.பி. தெரிவித்துள்ளார்.

மாகாண சபைத் தேர்தல் மற்றும் நடப்பு அரசியல் நிலவரங்கள் குறித்து ஊடகங்களுக்குக் கருத்துத் தெரிவிக்கையிலேயே மேற்கண்டவாறு குறிப்பிட்டுள்ளார்.

கட்சித் தரப்புப் போராட்டங்கள்

மேலும் தெரிவிக்கையில், "ஐக்கிய மக்கள் சக்தி மதத்தை முதன்மைப்படுத்தி அரசியல் செய்யும் கட்சி அல்ல. எமது கட்சி அனைத்து மதங்களையும் சமமாக மதிக்கும் கட்சி.

13ஆவது திருத்தத்தை முடக்கிவைத்து தேர்தலை இழுத்தடிக்கின்றதா அரசு..! ரஞ்சித் மத்தும பண்டார கடும் சாடல் | Government Stalling Election 13Th Amendment

நாட்டில் மீண்டும் பிளவுகளை ஏற்படுத்த இந்த அரசு முற்படுகின்றது. அரசமைப்பின் 13ஆவது திருத்தச் சட்டத்தை முழுமையாக அமுல்படுத்துவதற்கு அவசியமான மாகாண சபை முறைமை தற்போது செயலற்ற நிலையில் உள்ளது.

பல்வேறு தெரிவுக்குழுக்களை அமைப்பதன் மூலம் மாகாண சபைத் தேர்தலை அரசு இழுத்தடிக்க முற்படுகின்றது. தேர்தலை அரசு உடனடியாக நடத்த வேண்டும். மேலும், மாகாண சபைத் தேர்தலை வென்றெடுப்பதற்கான எமது கட்சித் தரப்புப் போராட்டங்கள் தொடரும்" என்றும் குறிப்பிட்டுள்ளார்.