லங்காசிறி FM
முக்கிய அதிகாரியொருவரைப் பதவி விலகுமாறு அரசாங்கம் அறிவுறுத்தல்
அரசாங்க சேவையில் மிக உயர்ந்த செயலாளர் பதவியை வகிக்கும் ஒரு நிர்வாக சேவை அதிகாரியை அப்பதவியிலிருந்து விலகுமாறு அரசாங்கம் கேட்டுக்கொண்டுள்ளதாகத் தகவல்கள் தெரிவிக்கின்றன.
அந்த அதிகாரி இதற்கு முன்னர் எந்தவொரு அமைச்சகத்திலும் செயலாளர் பதவியை வகித்ததில்லை; தற்போதைய அரசாங்கத்தின் கீழ் ஒரு இளநிலை (கனிஷ்ட) நிர்வாக அதிகாரியாகப் பணியாற்றியபோதே, அவர் நேரடியாக அரசாங்கத்தின் மிக உயர்ந்த பதவிக்கு நியமிக்கப்பட்டார்.
அரசாங்கம் அறிவுறுத்தல்
களனிப் பல்கலைக்கழகத்தில் பட்டம் பெற்றுள்ள அவர், பின்னர் உயர்படிப்பை நிறைவு செய்து கலாநிதிப் பட்டமும் பெற்றுள்ளதாகக் கூறப்படுகிறது.
இருப்பினும், சம்பந்தப்பட்ட பதவியின் பொறுப்புகளை நிறைவேற்றுவதில் எதிர்பார்க்கப்பட்ட அளவிலான செயல்திறனை வெளிப்படுத்தத் தவறியமை, நிர்வாக சேவையில் பணி அனுபவம் இல்லாமை மற்றும் அவர் மீது சுமத்தப்பட்ட பல குற்றச்சாட்டுகளின் அடிப்படையில் அவரைப் பதவியில் இருந்து விலகுமாறு அரசாங்கம் அறிவுறுத்தியுள்ளதாகக் கூறப்படுகிறது.
அதன்படி, அவர் தனது தற்போதைய செயலாளர் பதவியிலிருந்து நீக்கப்பட்டு, வெளிநாட்டில் ஒரு தூதரகப் பதவிக்கு நியமிக்கப்படவுள்ளதாக நம்பகமான வட்டாரங்கள் தெரிவிக்கின்றன.
அதன் பின்னர் காலியாகவுள்ள செயலாளர் பதவியை நிரப்புவதற்காக, இலங்கை நிர்வாக சேவையில் நீண்ட மற்றும் பரந்துபட்ட அனுபவம் வாய்ந்தவரும், தற்போது அதே அமைச்சில் மேலதிக செயலாளர் பதவியை வகிப்பவருமான ஒரு அதிகாரியை நியமிப்பதில் அரசாங்கம் தனது கவனத்தைச் செலுத்தியுள்ளது.
புதிய செயலாளராக நியமிக்கப்படவுள்ள இந்த அதிகாரி, சமீபத்தில் தீவைப் பாதித்த பேரிடரின் போது அரசின் நிவாரணப் பணிகளில் விசேட செயல்பாட்டை வெளிப்படுத்தியிருந்ததாகவும் தெரிவிக்கப்பட்டுள்ளது.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
