லங்காசிறி FM
அரச சார்பற்ற நிறுவனங்களுக்கான புதிய விதிகளை தாமதப்படுத்தும் அரசாங்கம்
இலங்கையில் அரச சார்பற்ற அமைப்புக்கள் தொடர்பில் புதிய விதிகளை உள்ளடக்கிய வரைவு ஒன்றை முன்வைக்க முன்னைய அரசாங்கங்கள் முயன்றபோதும், தற்போதைய அரசாங்கம் அந்த முனைப்பை தாமதப்படுத்தியுள்ளதாக தகவல்கள் வெளியாகியுள்ளன.
இதன்படி, உள்ளூர் மற்றும் சர்வதேச அரச சாரா நிறுவனங்களின் கண்காணிப்பு மற்றும் மேற்பார்வைக்கான முன்மொழியப்பட்ட சட்டத்தை நடைமுறைப்படுத்தும் யோசனையை அரசாங்கம் பிற்போட்டுள்ளதாக தெரிவிக்கப்பட்டுள்ளது.
முன்னதாக, கட்டுப்படுத்தப்படாத செலவுகள் மற்றும் நாட்டின் தேசிய நலன்களுக்கு எதிராக செயற்படுவது குறித்த முறைப்பாடுகள் காரணமாக, அரச சாரா நிறுவனங்களின் கண்காணிப்பு மற்றும் மேற்பார்வையின் அவசியம் இரண்டு தசாப்தங்களுக்கும் மேலாக விவாதிக்கப்பட்டு வருகிறது.
பொதுப் பாதுகாப்பு அமைச்சகம்
இருப்பினும், மனிதாபிமான, தொண்டு பணிகளில் ஈடுபட்டுள்ள ஏராளமான அரசு சாரா நிறுவனங்கள் இறுதியில் தேசிய பொருளாதாரத்திற்கு பங்களிக்கின்றன.
இதன் காரணமாகவே தற்போதைய அரசாங்கம், அரச சார்பற்ற நிறுவனங்கள் தொடர்பான புதிய விதிகளை தாமதப்படுத்துவதாக தகவல்கள் வெளியாகியுள்ளன.
தற்போது, அரச சாரா நிறுவனங்கள் வெவ்வேறு சட்டங்களின் அடிப்படையில் பதிவு செய்யப்பட்டுள்ளன. இந்தநிலையில், நாட்டில் ஆயிரக்கணக்கான அரசு சாரா நிறுவனங்கள் செயற்பட்டு வருகின்றன.
ஆனால், அவற்றில் 1,895 மட்டுமே தேசிய அரசு சாரா நிறுவன செயலகத்தில் பதிவு செய்யப்பட்டுள்ளன. இந்த செயலகம் தற்போது பொதுப் பாதுகாப்பு அமைச்சகத்தின் கீழ் செயற்படுகிறது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
