லங்காசிறி FM
இலங்கை இளைஞர் யுவதிகளுக்கு மகிழ்ச்சியான தகவல்
தற்போதைய இளைஞர்களை எதிர்கால உலகிற்கு ஏற்ற வெற்றிகரமான தொழில் முயற்சியாளர்களாக உருவாக்குவதே ஜனாதிபதி ரணில் விக்கிரமசிங்கவின் நோக்கமாகும் என சிறு மற்றும் நடுத்தர தொழில் முயற்சி அபிவிருத்தி இராஜாங்க அமைச்சர் பிரசன்ன ரணவீர தெரிவித்துள்ளார்.
வரலாற்றில் முதன்முறையாக ஆசிய அபிவிருத்தி வங்கியுடன் இணைந்து தொழில் நிறுவனங்களின் அபிவிருத்திக்காக கடன் திட்டத்திற்கு 30 பில்லியன் ரூபா ஒதுக்கப்பட்டு, தொழில்முனைவோருக்கு தேவையான மூலதனத்தை 2 சதவீத கடன் வட்டி நிவாரணத்தின் கீழ் வழங்குவதற்கு நடவடிக்கை எடுத்து வருகின்றனர்.
நிலையான நாட்டிற்கு ஒரே பாதை என்ற தொனிப்பொருளில் நேற்று ஜனாதிபதி ஊடக மையத்தில் நடைபெற்ற செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் இதனைக் குறிப்பிட்டுள்ளார்.
சந்தை வாய்ப்பு
“நமது நாட்டின் மொத்த மக்கள் தொகையில் 2.8 சதவீத இருக்கும் தொழில்முனைவோரை ஊக்குவிக்கும் பணி நமது அமைச்சகத்திடம் ஒப்படைக்கப்பட்டுள்ளது.
2028ஆம் ஆண்டுக்குள் தொழில்முனைவோர் எண்ணிக்கையை 10 சதவீதமாக உயர்த்துவதே எங்கள் இலக்கு. சிறு மற்றும் நடுத்தர நிறுவனங்களை மேம்படுத்துவதற்கான விரிவான திட்டத்தை நாங்கள் தொடங்கியுள்ளோம். அதற்காக அமைச்சின் கீழ் உள்ள நிறுவனங்களுடன் இணைந்து பெரிய பணியை செய்து வருகிறோம்.
200,000 க்கும் மேற்பட்ட குழந்தைகள் சாதாரண தர தேர்ச்சி பெற்ற பிறகு வேலை சந்தையில் நுழைகிறார்கள். ஆனால் அவர்களுக்கு வேலை சந்தையில் வாய்ப்பு இல்லை. எனவே அவர்களை தொழில் முனைவோர்களாக மாற்ற விரும்புகிறோம்.
முச்சக்கரவண்டியுடன் வீதியில் செல்லும் சிறுவர்களை மீட்டு அவர்களுக்கு தேவையான அறிவையும் பயிற்சியையும் வழங்குவோம் என நம்புகிறோம்.
ஆசிய அபிவிருத்தி வங்கி
வரலாற்றில் முதல் தடவையாக ஆசிய அபிவிருத்தி வங்கியுடன் இணைந்து, நிறுவன அபிவிருத்திக்காக சிறிய கடன் திட்டத்திற்கு 30 பில்லியன் ரூபா ஒதுக்கப்பட்டுள்ளது. இதன் மூலம் அவர்களுக்குத் தேவையான மூலதனம் 2 சதவீத கடன் வட்டிச் சலுகையின் கீழ் வழங்கப்படும்.
தற்போதைய இளைஞர் சந்ததியை எதிர்கால உலகிற்கு ஏற்ற வெற்றிகரமான தொழில் முயற்சியாளர்களாக உருவாக்குவதே ஜனாதிபதி ரணில் விக்கிரமசிங்கவின் நோக்கமாகும்.
மேலும், 2024-2025 ஆம் ஆண்டிற்கான கைவினைப் பொருட்களுக்காக 789 பில்லியன் செலவழிக்க உலக சந்தை தயாராக உள்ளது. அதில் 1 சதவீதம் நம் நாட்டிற்கு ஒதுக்க முடிந்தால், அது ஒரு நாடாக மிகப்பெரிய சாதனையாக இருக்கும் என்று நான் நம்புகிறேன்.” என அவர் மேலும் தெரிவித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
விஜயா சொன்ன விஷயத்தால் கடும் ஷாக்கில் ரோஹினி, இந்த முறை தப்பிப்பாரா?... சிறகடிக்க ஆசை புரொமோ Cineulagam
முக்கிய இடத்தில் விஜய்யின் கோட் பட வசூல் சாதனையை முறியடித்துள்ள சூர்யாவின் கங்குவா.. முழு விவரம் Cineulagam
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
மூன்றாம் உலகப்போர் அச்சம்: அணுகுண்டு வீச்சிலிருந்து தப்ப Bunker வாங்க அலைமோதும் பிரித்தானியர்கள் News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
