ட்ரம்பின் அறிவிப்பை தொடர்ந்து சடுதியாக மாற்றமடைந்துள்ள தங்கத்தின் விலை

Donald Trump Today Gold Price United States of America Daily Gold Rates Gold

By Shadhu Shanker Apr 22, 2026 04:41 AM GMT

Shadhu Shanker

in உலகம்

Report

அமெரிக்கா ஈரானுடன் உள்ள போர்நிறுத்தத்தை நீட்டித்ததைத் தொடர்ந்து உலக சந்தையில் தங்க விலை இன்று (22) உயர்வு கண்டுள்ளது.

எண்ணெய் விலை குறைந்ததன் காரணமாக பணவீக்கம் அதிகரிக்கும் அச்சம் குறைந்துள்ளதுடன், நீண்டகால உயர்ந்த வட்டி விகிதங்கள் தொடரும் என்ற எதிர்பார்ப்பும் தளர்ந்துள்ளது.

போர்நிறுத்தம்

உலக சந்தையில் ஸ்பாட் தங்கம் 0.9% உயர்ந்து ஒரு அவுன்ஸுக்கு 4,755.11 அமெரிக்க டொலராக பதிவாகியுள்ளது. செவ்வாய்க்கிழமை அது ஏப்ரல் 13க்கு பிறகு காணப்பட்ட குறைந்த நிலைக்கு சரிந்திருந்தது குறிப்பிடத்தக்கது.

ட்ரம்பின் அறிவிப்பை தொடர்ந்து சடுதியாக மாற்றமடைந்துள்ள தங்கத்தின் விலை | Gold Prices Increase Us Extends Ceasefire Iran

ஜூன் மாத டெலிவரிக்கான தங்க ஃபியூச்சர்ஸ் 1.1% உயர்ந்து 4,772.90 டொலராக இருந்தது. அமெரிக்க ஜனாதிபதி ட்ரம்ப், ஈரானுடன் உள்ள போர்நிறுத்தத்தை காலவரையற்ற முறையில் நீட்டிப்பதாக அறிவித்துள்ளார்.

மேலும் சமாதான பேச்சுவார்த்தைகளுக்கு வாய்ப்பு வழங்கும் நோக்கில் இந்த முடிவு எடுக்கப்பட்டதாக தெரிவிக்கப்பட்டுள்ளது. இந்த அறிவிப்பைத் தொடர்ந்து பங்குச் சந்தைகள் உயர்வடைந்துள்ளதுடன், டொலர் மதிப்பு குறைந்துள்ளது. அதேசமயம் எண்ணெய் விலையும் சரிவு கண்டுள்ளது.

எண்ணெய் விலை அதிகரிப்பு பொதுவாக போக்குவரத்து மற்றும் உற்பத்தி செலவுகளை உயர்த்துவதன் மூலம் பணவீக்கத்தை அதிகரிக்கிறது.

தங்க விலை

தங்கம் பணவீக்கத்துக்கு எதிரான பாதுகாப்பு முதலீடாக கருதப்பட்டாலும், அதிக வட்டி விகிதங்கள் முதலீட்டாளர்களை பிற வருமானம் தரும் சொத்துகளுக்கு திருப்புகின்றனர் என கூறப்படுகின்றது.

“மத்திய கிழக்கு போர்நிறுத்தம் தொடர்பான செய்திகள் தங்க விலையை பாதித்து வருகின்றன,” என்று Standard Chartered வெளியிட்ட அறிக்கையில் தெரிவிக்கப்பட்டுள்ளது.

மேலும், குறுகிய காலத்தில் விலை சரிவு ஏற்படும் வாய்ப்பு இருந்தாலும், எதிர்காலத்தில் தங்க விலை மீண்டும் உயரும் என்றும் புதிய உச்சத்தை எட்டும் என்றும் எதிர்பார்க்கப்படுவதாகவும் அந்த அறிக்கையில் கூறப்பட்டுள்ளது.

இதேவேளை, Federal Reserve தலைவர் பதவிக்கான வேட்பாளர் Kevin Warsh, வட்டி விகிதங்களை குறைப்பது குறித்து எந்தவொரு வாக்குறுதியும் அளிக்கவில்லை என்று தெரிவித்துள்ளார்.

மத்திய வங்கியின் சுயாதீனத்தை பேணுவதாகவும் அவர் உறுதியளித்துள்ளார். இதற்கிடையில், ஸ்பாட் வெள்ளி 1.5% உயர்ந்து 77.84 டொலராகவும், பிளாட்டினம் 2,067.25 டாலராகவும், பல்லாடியம் 1,560.31 டொலராகவும் உயர்ந்துள்ளது.