லங்காசிறி FM
படுகொலை செய்யப்பட்ட சிறுமி - விசாரணையில் வெளியான திடுக்கிடும் தகவல்கள்
கம்பஹாவில் சிறுமி கொலை செய்யப்பட்டு, நிர்மாணிக்கப்பட்டு வரும் கழிவறை குழியில் சடலத்தை வீசிய சம்பவம் தொடர்பான பல உண்மைகளை பொலிஸார் கண்டுபிடித்துள்ளனர்.
கடந்த 5 ஆம் திகதி, 14 வயதுடைய தனது மகளை காணவில்லை என தாய் ஒருவர் கம்பஹா பொலிஸ் நிலையத்தில் முறைப்பாடு செய்திருந்தார்.
விசாரணையை தொடங்கிய பொலிஸார் கொலைக்கான மூல காரணத்தை கண்டுபிடித்தனர்.
சிறுமி படுகொலை
முறைப்பாட்டாளரான தாய், தனது இரண்டாவது திருமணமான தனது கணவர் மற்றும் மகளுடன், மாகேவிட்ட பகுதியில் நிர்மாணிக்கப்பட்டு வரும் வேறு ஒருவருக்கு சொந்தமான மூன்று மாடி வீட்டில் தற்காலிகமாக வசித்து வந்தார்.
கடந்த 2ஆம் திகதியன்று கணவனும் மகளும் வீட்டில் இருந்தபோது, காலையில் வேலைக்குச் சென்றுவிட்டு இரவு வீடு திரும்பிய பெண் தன் மகள் வீட்டில் இல்லாதது குறித்து விசாரித்துள்ளார்.
நண்பரின் குடும்ப உறுப்பினர்களுடன் மகள் சுற்றுலா சென்றிருப்பதாகவும், மறுநாள் வருவதாகவும் மனைவியிடம் தெரிவித்துள்ளார்.
5ஆம் திகதி வரை மகள் வீட்டுக்கு வராததால் இருவருக்கும் தகராறு ஏற்பட்டு, பின்னர் பொலிஸ் நிலையத்தில் முறைப்பாடு செய்துள்ளார்.
அங்கு சிறுமி காணாமல் போனது குறித்து தனது கணவர் மீது சந்தேகம் உள்ளதாக குறிப்பிட்டுள்ளார்.
இந்த சம்பவம் தொடர்பில் விசாரணைகளை மேற்கொண்ட பொலிஸார் முறைப்பாட்டாளரின் 42 வயதுடைய கணவரைக் கைது செய்து விசாரணைகளை மேற்கொண்டுள்ளனர்.
2ஆம் திகதியன்று கணவன் அடகு வைத்த தங்க நகையை மீட்கமகளிடம் பணத்தை கொடுத்துவிட்டு, அந்த தங்க நகையை விடுவிக்க தந்தையுடன் செல்லுமாறு கூறிவிட்டு மனைவி வேலைக்கு சென்றுள்ளார்.
கொலைக்கான காரணம்
போதைக்கு அடிமையான இவர், மகளிடம் நகையை அடகு எடுப்பதற்காக கொடுத்த பணத்தை கேட்டுள்ளார், மகள் மறுத்ததால், மகளை தாக்கி, பணத்தை பணத்தை பறித்துக் கொண்டு, வீட்டை விட்டு வெளியேறினார்.
வீட்டிற்கு வந்த அவர், மகள் அடித்த இடத்திலேயே இறந்து கிடப்பதைக் கண்டார்,
இந்நிலையில் சிறுமியின் சடலத்தை பைக்குள் மூடி, கட்டுமானத்தில் உள்ள வீட்டின் கழிப்பறை குழியில் வீசியதாக விசாரணையில் தெரியவந்தது.
கிடைத்த தகவலின் அடிப்படையில், கம்பஹா நீதவான் நீதிமன்ற உத்தரவுக்கமைய, கழிவறை குழியில் கிடந்த மகளின் சடலம் எடுக்கப்பட்டு பிரேத பரிசோதனைக்காக கம்பஹா வைத்தியசாலையின் பிரேத அறையில் வைக்கப்பட்டுள்ளது.
கைது செய்யப்பட்ட சந்தேகநபர் நேற்று கம்பஹா நீதவான் நீதிமன்றில் ஆஜர்படுத்தப்பட்டதன் பின்னர் 16ஆம் திகதி வரை விளக்கமறியலில் வைக்கப்பட்டுள்ளார்.
சம்பவம் தொடர்பான மேலதிக விசாரணைகளை கம்பஹா பொலிஸார் மேற்கொண்டு வருகின்றனர்.
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026
