லங்காசிறி FM
வேனைத் திருடத் துணிந்த கும்பல்: ஒருவர் கைது - மற்றொருவர் தலைமறைவு..
நுவரெலியா - நானுஓயா, பிளாக்பூல் பகுதியில் நிறுத்தப்பட்டிருந்த வேன் ஒன்றைக் கடத்த முயன்ற சந்தேக நபர், நானுஓயா பொலிஸாரால் கைது செய்யப்பட்டார்.
இந்த சம்பவம் நேற்று(30.10.2026) இடம்பெற்றுள்ளதாக தெரிவிக்கப்பட்டுள்ளது.
சம்பவம் தொடர்பில் மேலும் தெரியவருகையில்,
சந்தேக நபர் மற்றொரு குழுவுடன் வந்து, ஒரு வீட்டிற்கு அருகில் வீதியில் நிறுத்தப்பட்டிருந்த வேனைக் கடத்தத் திட்டமிட்டிருப்பதாக வேன் உரிமையாளர் அளித்த தகவலின் பேரில், நானுஓயா பொலிஸ் அதிகாரிகள் ஒரு நடவடிக்கையைத் தொடங்கி சுமார் 8 கிலோமீட்டர் தூரம் துரத்தி சென்று நானுஓயா பிரதேசத்தில் குறித்த வாகனத்துடன் சந்தேகநபரையும் மடக்கிப் பிடித்துள்ளனர்.
இரண்டாவது சந்தேகநபர் தப்பிச் சென்றுள்ள போதிலும், அவர் இதுவரை யார் என அடையாளம் காணப்படவில்லை என பொலிஸார் தெரிவித்துள்ளனர்.
வேன் திருட்டு
வேனை வாங்குவதற்காகப் பணம் பெற்றிருந்த தனியார் நிதி நிறுவனத்தின் தவணைகளைச் செலுத்துவதில் வேனின் உரிமையாளர் தாமதம் செய்ததால், நிதி நிறுவனமான (சிசார்) அறிவுறுத்தலின் பேரில் சந்தேக நபர்கள் வேனைத் திருடியதாக, இந்தச் சம்பவம் குறித்து விசாரித்து வரும் நானுஓயா பொலிஸ் அதிகாரிகள் தெரிவித்துள்ளனர்.
வாகன உரிமையாளருக்கும் பொலிஸாருக்கும் தகவல் தெரிவிக்காமல் நிதி நிறுவனத் தரகர்கள் வாகனங்களைத் திருடக்கூடாது என்று பொலிஸார் தலைமை ஆய்வாளர் சுற்றறிக்கை வெளியிட்டுள்ளதாக அந்த அதிகாரி மேலும் தெரிவித்துள்ளார்.
கைது செய்யப்பட்ட நபர் 41 வயதான நாவலபிட்டி பிரதேசத்தைச் சேர்ந்தவர் என பொலிஸார் தெரிவித்துள்ளனர்.
இந்த நிலையில், சந்தேகநபரை இன்று(31.10.2026) நுவரெலியா மாவட்ட நீதவான் நீதிமன்றில் முன்னிலைப்படுத்தப்பட்டுள்ளதாக தெரிவித்த நானுஓயா பொலிஸார், இது குறித்த மேலதிக விசாரணைகளை மேற்கொண்டு வருகின்றனர்.
இஸ்ரேலிய அரபு சிறுபான்மையினருடன் இலங்கைத் தமிழர்களை ஒப்பிட்ட மனோ கணேஷன் - அரசுக்கு விடுத்துள்ள சவால்
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
