தேசியமட்ட விளையாட்டுப் போட்டியில் பங்குகொள்ளும் மாணவர்களுக்கு விசேட வலுகை : விடுக்கப்பட்ட கோரிக்கை

Northern Province of Sri Lanka Sports Train

By Kajinthan Aug 27, 2025 12:36 PM GMT

Kajinthan

in சமூகம்

Report

தேசியமட்ட விளையாட்டுப் போட்டியில் பங்குகொள்ளும் மாணவர்களுக்கான இலவச தொடருந்து ஆணைச்சீட்டு வழங்க வேண்டும் என உடற்கல்வி டிப்ளோமா ஆசிரியசங்கத் தலைவர் ப.தர்மகுமாரன் கோரிக்கை விடுத்துள்ளார்.

மேலும் தெரிவிக்கையில், தேசியமட்ட விளையாட்டுப் போட்டிக்கு செல்லும் பாடசாலை மாணவர்களுக்கு வழங்கிவந்த இலவச தொடருந்து ஆணைச்சீட்டு நிறுத்தப்பட்டுள்ளது.

நிறுத்தப்பட்டமைக்கான காரணம் எம்மால் அறியமுடியாமல் போனாலும் அதனை வழங்குவதற்கு முயற்சி எடுக்கவேண்டிய தார்மீக கடமையுள்ளது.

மேலதிக நிதிக்கு

ஏனெனில் பொருளாதாரத்தில் மிகவும் பின்தங்கிய கிராமப்புறப் பாடசாலைகள் தேசிய மட்ட போட்டிக்கு செல்ல முடியாதநிலை உருவாகியுள்ளது.

தேசியமட்ட விளையாட்டுப் போட்டியில் பங்குகொள்ளும் மாணவர்களுக்கு விசேட வலுகை : விடுக்கப்பட்ட கோரிக்கை | Free Train Tickets For Students

எனவே அவர்காளால் தமது திறைமையை வெளிக்காட்டக்கூடிய சந்தர்ப்பம் இல்லாமல் போகின்றது என வேதனைப்படுகின்றனர்.

பாடசாலை நிர்வாகமும் இலவச தொடருந்து ஆணைச்சீட்டு வழமைபோல் கிடைக்கும் என்பதனால் உணவுத்தேவைக்கான நிதியினை மட்டுமே தங்களால் திரட்ட முடிந்தது எனவும் மேலதிக நிதிக்கு யாரிடம் செல்வோம் என புலம்புகின்றனர்.

இதனால் பாதிக்கப்படுவது கிராமப்புற பாடசாலையில் கல்விகற்கும் வறிய மாணவர்களே.

வடக்கின் விளையாட்டுத் துறை

வசதியுள்ள பாடசாலைகள் மாற்றுவழியை நாடி போட்டிக்கு செல்வார்கள். வசதியற்ற பாடசாலைகள் போட்டிக்கு செல்லாது விலகிக்கொள்வார்கள்.

இதனால் வடக்கின் விளையாட்டு சரிவை நோக்கி செல்வது மட்டுமல்லாமல் வசதியுள்ள பாடசாலையை நோக்கி மாணவர்கள் செல்வதற்கு தூண்டுவதுடன் கிராமப்புறப் பாடசாலைகள் வளர்ச்சி அடையாது மூடும் நிலைஉ ருவாகும்.

ஆகவே இதனைக்கருத்தில் கொண்டு அமைச்சர்கள், நாடாளுமன்ற உறுப்பினர்கள், ஆளுநர் கிராமப்புற பாடசாலை மாணவர்கள் தேசியமட்ட போட்டிக்கு செல்வதற்கு தொடருந்து ஆணைச்சீட்டை பெற்றுக்கொடுக்க ஆவனசெய்யவும் எனவும் குறிப்பிட்டுள்ளார்.