லங்காசிறி FM
அமெரிக்கத் தூதுவருக்கு பிரான்ஸ் கடும் கண்டனம்
பிரான்சில் வலதுசாரி ஆர்வலர் ஒருவரின் மரணம் தொடர்பாக அமெரிக்கத் தூதரகம் வெளியிட்ட கருத்துகளுக்காக, அந்நாட்டிற்கான அமெரிக்கத் தூதுவர் சார்லஸ் குஷ்னருக்கு (Charles Kushner) பிரான்ஸ் அரசு அழைப்பாணை அனுப்பியுள்ளது.
கடந்த பெப்ரவரி 12ஆம் திகதி லியோன் (Lyon) நகரில் நடந்த மோதலில் 23 வயதான குவென்டின் டெராங்க் (Quentin Deranque) என்பவர் தலையில் பலத்த காயமடைந்து உயிரிழந்தார்.
இந்தச் சம்பவம் குறித்து சமூக வலைதளத்தில் பதிவிட்ட அமெரிக்கத் தூதரகம், "இடதுசாரி தீவிரவாதிகளால் அவர் கொல்லப்பட்டதாக வரும் செய்திகள் கவலையளிக்கின்றன; வன்முறைமிக்க இடதுசாரி தீவிரவாதம் பொதுமக்களின் பாதுகாப்பிற்கு அச்சுறுத்தலாக உள்ளது" எனக் குறிப்பிட்டிருந்தது.
அமெரிக்கத் தூதரகம் கருத்து
இந்தக் கருத்தை பிரான்ஸின் உள்நாட்டு விவகாரங்களில் தலையிடும் செயல் என அந்நாட்டு வெளியுறவு அமைச்சர் ஜான்-நோயல் பரோட் கடுமையாகச் சாடியுள்ளார்.
"எங்கள் நாட்டு சமூகத்தைப் பாதிக்கும் ஒரு நிகழ்வு குறித்து அமெரிக்கத் தூதரகம் கருத்துத் தெரிவிப்பதை நாங்கள் ஏற்க முடியாது; எந்தவொரு வெளிநாட்டுத் தலையீட்டையும் நாங்கள் நிராகரிக்கிறோம்" என்று அவர் தெரிவித்துள்ளார்.
டெராங்க் மரணம் தொடர்பாக ஏற்கனவே 11 பேர் கைது செய்யப்பட்டுள்ள நிலையில், இந்த விவகாரம் பிரான்ஸ் மற்றும் இத்தாலி இடையேயும் ராஜதந்திர மோதலை உருவாக்கியுள்ளது.
அழைப்பாணை
இடதுசாரி தீவிரவாதமே இந்த மரணத்திற்குக் காரணம் என இத்தாலியப் பிரதமர் ஜார்ஜியா மெலோனி கூறியதற்கு பிரான்ஸ் ஏற்கனவே எதிர்ப்புத் தெரிவித்துள்ளது.
அமெரிக்கத் தூதுவர் சார்லஸ் குஷ்னர் பிரான்ஸ் அரசால் அழைப்பாணை அனுப்பப்பட்டு எச்சரிக்கப்படுவது இது முதல் முறையல்ல. ஏற்கனவே 2025 ஆகஸ்ட் மாதம், யூத எதிர்ப்பு உணர்வுகளைக் கட்டுப்படுத்துவதில் பிரான்ஸ் அரசு போதிய நடவடிக்கை எடுக்கவில்லை எனக் குற்றம் சாட்டியதற்காக அவர் நேரில் அழைக்கப்பட்டு விளக்கம் கேட்கப்பட்டார்.
தற்போது ட்ரம்ப் நிர்வாகத்தின் பிரதிநிதியாக இருக்கும் குஷ்னரின் கருத்துகள், பாரம்பரிய நட்பு நாடுகளான பிரான்ஸ் மற்றும் அமெரிக்கா இடையே மீண்டும் ஒரு விரிசலை ஏற்படுத்தியுள்ளது.
மீனாவால் அண்ணாமலை உயிருக்கு ஆபத்து.. விஜயாவின் சதியா இது! சிறகடிக்க ஆசை சீரியல் புரோமோ வீடியோ Cineulagam
பிரித்தானியாவில் ஆண்டுக்கு 1 மில்லியன் பவுண்டுகள் சம்பாதிக்கும் ஒருவர் எவ்வளவு வரி செலுத்த வேண்டும்? News Lankasri
மன்னிப்பு கேட்ட குணசேகரன்.. அதிர்ச்சியில் ஜனனி.. எதிர்நீச்சல் சீரியலில் அடுத்து நடக்கவிருப்பது இதுதான் Cineulagam
இளவாலை மாரீசன்கூடல், கன்னாதிட்டி, கிளிநொச்சி, பிரான்ஸ், France
22 Feb, 2021
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
