தமிழர் பகுதியில் நான்கு வெடிகுண்டுகள் மீட்பு - நீதிமன்றம் பிறப்பித்துள்ள உத்தரவு

Sri Lanka Police Sri Lankan Peoples Sri Lanka Police Investigation Sri Lanka Government Law and Order

By Erimalai May 09, 2026 11:20 AM GMT

Erimalai

Report

கிளிநொச்சி - அக்கராயன்குளம் பொலிஸ் பிரிவிற்குட்பட்ட வெனேரிகுளம் பகுதியில், போரின் போது பயன்படுத்தப்பட்டிருக்கலாம் என சந்தேகிக்கப்படும் நான்கு வெடிகுண்டுகள் கண்டெடுக்கப்பட்டுள்ளன.

நேற்றுமுன்தினம்(07.05.2026) ஜெயப்புரம் பொலிஸ் நிலையத்தில் ஹலோ டிரஸ்ட் (HALO Trust) கண்ணிவெடி அகற்றும் நிறுவன அதிகாரிகளால் இது குறித்த முதற்கட்டத் தகவல் வழங்கப்பட்டுள்ளது.

இதனைத் தொடர்ந்து, அக்கராயன்குளம் பகுதியில் குறித்த நடவடிக்கைகள் முன்னெடுக்கப்பட்டுள்ளன.

நீதிமன்ற நடவடிக்கை

இதனைத் தொடர்ந்து, நேற்று(2026.05.08) மதியம் 2:30 மணியளவில் ஹலோ டிரஸ்ட் அதிகாரிகள் வழங்கிய தகவலின்படி, அக்கராயன்குளம் பொலிஸ் அதிகாரிகள் சம்பவ இடத்திற்கு விரைந்துள்ளதுடன், நான்கு குண்டுகளை மீட்டுள்ளனர்.

தமிழர் பகுதியில் நான்கு வெடிகுண்டுகள் மீட்பு - நீதிமன்றம் பிறப்பித்துள்ள உத்தரவு | Four Bombs Recovered In Tamil Area

மீட்கப்பட்ட குண்டுகள் தற்போது பொலிஸாரின் பலத்த பாதுகாப்பு வளையத்திற்குள் வைக்கப்பட்டுள்ளன.

இந்த சம்பவம் தொடர்பில், இன்று(2026.05.09) கிளிநொச்சி நீதவான் நீதிமன்றத்தில் அறிக்கை சமர்ப்பிக்கப்பட்டுள்ளதாக எமது செய்தியாளர் தெரிவித்துள்ளார்.

நீதிமன்றத்தின் அனுமதி மற்றும் வழிகாட்டுதல்களின் பின்னர், குறித்த நான்கு வெடிகுண்டுகளையும் பாதுகாப்பான முறையில் செயலிழக்கச் செய்வதற்குரிய நடவடிக்கைகள் மேற்கொள்ளப்படும் என்றும் தெரிவிக்கப்பட்டுள்ளது.