அனுமதிப் பத்திரமின்றி மணல் அகழ்வில் ஈடுபட்டவர்களுக்கு வழங்கப்பட்ட உத்தரவு

Sri Lanka Police Ampara Sri Lanka Police Investigation

By Farook Sihan Jan 24, 2026 08:00 AM GMT

Farook Sihan

in சமூகம்

Report

சட்டவிரோதமாக அனுமதிப் பத்திரமின்றி மணல் அகழ்வில் ஈடுபட்ட நிலையில் கைதான மூவருக்கு தண்டப்பணம் விதிக்கப்பட்டுள்ளது.

இது தொடர்பான வழக்கு விசாரணை சம்மாந்துறை நீதிவான் நீதிமன்றத்தில் விசாரணைக்கு எடுத்துக் கொள்ளப்பட்ட போது அவர்களுக்கு ஒரு இலட்சத்து பத்தாயிரம் ரூபா தண்டப்பணம் விதிக்கப்பட்டுள்ளது.

சம்மாந்துறை பொலிஸ் பிரிவிற்குட்பட்ட புறகர் பகுதியில் அனுமதி வழங்கப்படாத இடத்தில் மண் அகழ்வு நடவடிக்கை மேற்கொள்ளப்படுவதாக கிடைக்கப் பெற்ற தகவலுக்கமைய நேற்று முன் தினம் (22) சம்மாந்துறை ஊழல் ஒழிப்பு பொலிஸ் குழுவினரும், மல்வத்தை விசேட அதிரடிப்படையினரும் இணைந்து சுற்றிவளைப்பில் ஈடுபட்டிருந்தனர்.

தப்பிச் செல்ல முற்பட்ட போது கைது

இதன்போது மண் அகழ்வில் ஈடுபட்டவர்கள் உழவு இயந்திரத்துடன் வீதி வழியாக தப்பிச் சென்றபோது தடுத்து நிறுத்தப்பட்டு கைது செய்யப்பட்டதுடன் 3 உழவு இயந்திரங்களுடன், 3 சந்தேகநபர்கள் மணலுடன் கைது செய்யப்பட்டு சம்மாந்துறை பொலிஸ் நிலையத்திற்கு அழைத்துச் செல்லப்பட்டுள்ளனர்.

இதனை தொடர்ந்து சந்தேகநபர்கள் கைப்பற்றப்பட்ட பொருட்களுடன் சம்மாந்துறை நீதிமன்ற நீதிவான் முன் முன்னிலைப்படுத்தப்பட்ட போது தண்டப்பணம் விதித்து உத்தரவிடப்பட்டுள்ளது.