உக்ரைனுக்கு நிதியுதவி: ஹங்கேரியுடனான எரிபொருள் விநியோகப் போருக்கு முடிவு

ஹங்கேரி மற்றும் ஸ்லோவாக்கியா நாடுகளுக்கான 'துருஷ்பா' (Druzhba) குழாய் வழி எரிபொருள் விநியோகத்தை உக்ரைன் மீண்டும் தொடங்கியுள்ளது.

இதன் மூலம் கடந்த சில மாதங்களாக நீடித்து வந்த இராஜதந்திர முட்டுக்கட்டை முடிவுக்கு வந்துள்ளதுடன், உக்ரைனுக்கு வழங்கப்பட வேண்டிய 90 பில்லியன் யூரோ (சுமார் £78 பில்லியன்) பெறுமதியான நிதியுதவிக்கு ஐரோப்பிய ஒன்றியத்தின் தூதுவர்கள் முதற்கட்ட ஒப்புதலை வழங்கியுள்ளனர்.

ரஷ்யாவின் தாக்குதலால் எரிபொருள் குழாய்கள் சேதமடைந்ததாகக் கூறி கடந்த ஜனவரி மாதம் முதல் உக்ரைன் விநியோகத்தை நிறுத்தியிருந்தது.

மிகப் பாரிய 34 கப்பல்களை இரவோடு இரவாக கடத்திய ஈரான்.. ஹோர்முஸ் முற்றுகையில் ட்ரம்பிற்கு காத்திருந்த ஏமாற்றம்!

நிதியுதவி

இதற்குப் பதிலடியாக, உக்ரைனுக்கு வழங்கப்பட வேண்டிய நிதியுதவியை ஹங்கேரி தனது 'வீட்டோ' (Veto) அதிகாரத்தைப் பயன்படுத்தித் தடுத்து நிறுத்தியிருந்தது.

எரிபொருள் விநியோகம் சீரானால் மட்டுமே நிதியுதவிக்கு அனுமதி அளிப்போம் என ஹங்கேரியின் இடைக்கால பிரதமர் விக்டர் ஓர்பன் நிபந்தனை விதித்திருந்தார்.

தற்போது பழுதுபார்க்கும் பணிகள் முடிந்து எண்ணெய் விநியோகம் தொடங்கியுள்ளதால், இந்தத் தடை நீக்கப்பட்டுள்ளது.

ஐரோப்பாவிற்கான 20,000 விமான சேவைகள் இரத்து

ஹங்கேரித் தேர்தல்

குறிப்பாக, அண்மையில் நடைபெற்ற ஹங்கேரித் தேர்தலில் விக்டர் ஓர்பன் தோல்வியடைந்து, பீட்டர் மக்யார் (Péter Magyar) புதிய தலைவராகத் தேர்வாகியுள்ளமை, ஐரோப்பிய ஒன்றியத்துடனான ஹங்கேரியின் உறவைச் சீர்ப்படுத்த உதவும் என எதிர்பார்க்கப்படுகிறது.

உக்ரைனுக்குக் கிடைக்கவுள்ள இந்த 90 பில்லியன் யூரோ நிதியில் மூன்றில் இரண்டு பங்கு அந்நாட்டின் பாதுகாப்புத் தேவைகளுக்கும், எஞ்சிய பகுதி பொருளாதார உதவிகளுக்கும் பயன்படுத்தப்படவுள்ளது.

அத்துடன் ரஷ்யாவிற்கு எதிரான 20ஆவது தடைகளையும் ஐரோப்பிய ஒன்றியம் இதன்போது அறிவித்துள்ளது.

இந்த நிதியுதவி உக்ரைனின் தற்காப்புப் போராட்டத்திற்கு மிகவும் இன்றியமையாதது என அந்நாட்டு அதிகாரிகள் தெரிவித்துள்ளனர்.

ட்ரம்ப்பிற்கே போர்நிறுத்தம் தேவை: ஈரான் பேராசிரியர் கருத்து