லங்காசிறி FM
போலியான முறையில் காணி விற்பனை மோசடி! சட்டத்தரணி உட்பட இருவருக்கு 16 ஆண்டுகள் சிறைத்தண்டனை
போலியான உறுதிப்பத்திரங்களை தயாரித்து, பிறருக்குச் சொந்தமான காணியை விற்பனை செய்த குற்றச்சாட்டில் கைது செய்யப்பட்ட சட்டத்தரணி ஒருவர் உட்பட இருவருக்கு 16 ஆண்டுகள் சிறைத்தண்டனை விதிக்கப்பட்டுள்ளது.
வழக்கறிஞருக்கும், நில உரிமையாளரின் மேலாளராக செயற்பட்ட பிரதிவாதிக்கும், சிலாபம் உயர் நீதிமன்ற நீதிபதி நவோமி விக்ரமசேகர நேற்று தலா 16 ஆண்டுகள் சிறைத்தண்டனை விதித்து தீர்ப்பளித்தார்.
மேலும், நீதிபதி இரண்டு பிரதிவாதிகளுக்கும் ஒரு லட்சத்து 80 ஆயிரம் ரூபாய் அபராதம் விதித்து, பாதிக்கப்பட்ட தரப்பினருக்கு தலா 8 லட்சம் ரூபாய் இழப்பீடு வழங்க உத்தரவிட்டார்.
சிறைத்தண்டனை
இழப்பீடு வழங்கப்படாவிட்டால் கூடுதலாக ஒரு வருடம் சிறைத்தண்டனை விதிக்கவும் நீதிபதி உத்தரவிட்டார்.
வைக்காலை சேர்ந்த வழக்கறிஞர் அலெக்ஸ் நிஷாந்த பெர்னாண்டோ மற்றும் மகாவெவயைச் சேர்ந்த முதல் பிரதிவாதி ரன்பதிதேவகே சமன் குமார ஆகியோர் தம்பரவில, வைக்காலைச் சேர்ந்த சரத் குமார திசேராவுக்குச் சொந்தமான காணிக்கு போலி உறுதிப்பத்திரங்கள் தயாரித்து விற்றதாக முறைப்பாட்டில் கூறப்பட்டுள்ளது.
குற்றப் புலனாய்வுத் துறையின் வெளிவிவகாரப் பிரிவு மேற்கொண்ட விசாரணையில், மூன்று ஏக்கருக்கும் அதிகமான அளவுள்ள 26 காணிப் பகுதிகள் போலியான பத்திரங்களைப் பயன்படுத்தி தயாரிக்கப்பட்டு விற்கப்பட்டிருப்பது தெரியவந்தது.
இரண்டு பிரதிவாதிகள் மீதும் உயர் நீதிமன்றத்தில் 26 வழக்குகளைத் தாக்கல் செய்ய சட்டமா அதிபர் நடவடிக்கை எடுத்திருந்தார்.
குற்றவாளிகளுக்குத் தண்டனை அறிவிக்கப்படுவதற்கு முன்னர், சட்டமா அதிபர் சார்பில் முன்னிலையான அரச சட்டத்தரணி ஓஸ்வால்ட் லக்ஷ்மன் பெரேரா கருத்து வெளியிட்டிருந்தார்.
கடுமையான தண்டனை
அதில் “கௌரவ நீதிபதி அவர்களே, இந்தச் சட்டத்தரணி செய்துள்ள செயலானது மிகவும் கௌரவமான சட்டத்தரணி தொழிலுக்கு இழைக்கப்பட்ட ஒரு பெரும் இழுக்காகும்.
பொதுமக்கள் சட்டத்தரணிகள் மீது கொண்டுள்ள நம்பிக்கையினால் தான் தமது காணிகளின் உறுதிப்பத்திரங்களை அவர்களிடம் ஒப்படைக்கின்றனர்.
இவ்வாறான தொழிலின் கௌரவத்தைச் சீரழிப்பவர்களுக்குக் கடுமையான தண்டனை வழங்கப்பட வேண்டும்” என குறிப்பிட்டுள்ளார்.
உயில் கிடைத்தவுடன் மீண்டும் வீட்டிற்குள் வந்த அய்யனார் துணை குடும்பம்.. அடுத்து நடக்கப்போகும் விஷயம் இதுதான் Cineulagam
மீனாவுக்கு சர்ப்ரைஸ் கொடுத்த முத்து.. ரோகிணியுடன் மீண்டும் இணைந்துவிட்ட மனோஜ்.. சிறகடிக்க ஆசை சீரியல் Cineulagam
Kathirippai, அச்சுவேலி, விசுவமடு
19 Feb, 1997
