லங்காசிறி FM
வெளிநாடொன்றில் இராணுவ தளவாடக் கிடங்கில் வெடிவிபத்து: பலர் பலி
புருண்டி- புஜும்புராவில் உள்ள இராணுவ தளவாடக் கிடங்கு ஒன்றில் ஏற்பட்ட தொடர் வெடிவிபத்துகளில் சிக்கி 13 பேர் உயிரிழந்துள்ளதாக அந்த நாட்டு இராணுவம் தெரிவித்துள்ளது.
அத்தோடு, 57 பேர் காயமடைந்துள்ளதாகவும் தெரிவிக்கப்படுகின்றது.
கடந்த செவ்வாய்க்கிழமை இரவு முசாகா பகுதியில் அமைந்துள்ள இந்த இராணுவக் கிடங்கில் மின் கசிவு காரணமாகத் தீப்பரவல் ஏற்பட்டதையடுத்து இந்த கோர விபத்து நிகழ்ந்துள்ளது.
வெடிவிபத்து
இந்த வெடிப்பின் வீரியம் காரணமாக, சுமார் 5 கிலோமீற்றர் தூரம் வரை வெடிகுண்டின் சிதறல்களும் இடிபாடுகளும் தூக்கி வீசப்பட்டதாகக் கூறப்படுகிறது.
இதனால் அந்த பகுதியில் இருந்த குடியிருப்புகள், தனியார் வாகனங்கள் மற்றும் ராணுவக் கட்டடங்கள் கடுமையாகச் சேதமடைந்துள்ளன.
இந்த விபத்தில் பாதிக்கப்பட்டவர்களில் மூன்று இராணுவ வீரர்களும் அடங்குவர். இராணுவக் கிடங்கிற்கு அருகிலேயே எம்பிம்பா (Mpimba) மத்திய சிறைச்சாலை அமைந்துள்ளதால், அங்குள்ள கைதிகளும் காயமடைந்துள்ளதாகத் தகவல்கள் தெரிவிக்கின்றன.
இரங்கல்
வெடிவிபத்தைத் தொடர்ந்து நகரம் முழுவதும் புகைமூட்டமாகக் காணப்பட்டதால், பத்து லட்சத்திற்கும் அதிகமான மக்கள் வசிக்கும் அந்த நகரத்தில் பெரும் பீதி ஏற்பட்டது.
உயிரிழந்தவர்களின் குடும்பங்களுக்கு அந்த நாட்டு எவரிஸ்டே நடயிஷிமியே தனது ஆழ்ந்த இரங்கலைத் தெரிவித்துள்ளார்.
தற்போதைய சூழலில் பொதுமக்கள் அமைதி காக்குமாறும், வெடிக்காத வெடிகுண்டுகள் ஏதேனும் தென்பட்டால் உடனடியாக அதிகாரிகளுக்குத் தகவல் தெரிவிக்குமாறும் இராணுவம் கேட்டுக்கொண்டுள்ளது.
தேசியக்கொடி தமிழ் இன ஒடுக்குமுறையின் முதல் குறியீடு: ஜோதிலிங்கம் ஆதங்கம் 21 நிமிடங்கள் முன்
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
செம்பியன்பற்று, கொழும்பு, திருச்சி, India, London, United Kingdom
24 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026